Лукашенко ги отфрли гласините дека Белорусија ќе се обедини со Русија

Белорускиот претседател Александар Лукашенко негираше дека неговата земја би можела да се обедини со Русија.

„Никогаш не сме барале и никогаш нема да бараме да станеме дел од некоја земја, па дури ни братска Русија“, рече Лукашенко во говорот чии извадоци ги пренесе државната новинска агенција БеИТА.

Во медиумските извештаи се сугерирало дека Белорусија би можела да се обедини со соседна Русија и да формира нова земја која на рускиот претседател Владимир Путин би му овозможила да продолжи да биде претседател дури и по истекот на мандатот во 2024 година.

Минатата недела, амбасадорот на Белорусија во Русија, Владимир Семашко во интервју за белоруски новински портал (Tut.by) изјави дека двете земји имаат намера да формираат заедничка владејачка структура.

Планот би можел да биде продолжение на договорот за „сојуз“ на двете поранешни советски земји што стапи на сила пред две децении, рече амбасадорот.

Белорусија и Русија веќе имаат релативно отворена граница и заедничка трговска зона.

За преродба требаат само три чекора: промена на изборниот модел, укинување на мега и квази државниот апарат заедно со сите паразити во него и економски план за ревитализација на земјата.

повеќе

Нашиот капацитет за справување со општи кризи е ограничен. Дали здравството е немоќно, или ние не можеме да се прилагодиме на промени?

повеќе

 За базата во Ново Село, Бугарија не добива ни долар за закупнина, а отворени се и бројни прашања за животната средина.

повеќе