Луѓето со очила имаат трипати помалку шанси да се заразат со коронавирусот, вели студија

Луѓето што носат диоптерски очила имаат три пати помала веројатност да се заразат со коронавирусот од оние што не носат, од едноставна причина што поретко ги тријат очите, покажува помало индиско истражување спроведено на 304 лица на возраст од 10 до 80 години што пријавиле симптоми на вирусот.

Фото: ЕПА

Деветнаесет проценти од испитаниците рекле дека речиси постојано носат очила - најмалку осум часа на ден.

Студијата открила дека ризикот од инфекција со ковид-19 е приближно два до три пати помал кај населението што носи очила во споредба со оние што не ги носат, објави Сандеј телеграф.

Луѓето се навикнати да го допираат лицето во просек 23 пати на час, а очите во просек три пати на час, покажува индиското истражување.

Научниците што го спровеле велат дека долгорочната навика да се носат очила може да спречи повеќекратно допирање и триење на очите, а со тоа и потенцијално пренесување на вирусот.

Минатата година кинески експерти открија дека меѓу пациентите со ковид-19 од општата популација, има пет пати помалку луѓе со диоптерски очила.

Група научници од универзитетската болница во Нанчанг објаснија дека сметаат дека тоа е така затоа што рецепторите АЦЕ-2, на кои вирусот се закачува за да влезе во телото и да ги зарази човечките клетки, се наоѓаат во областа на очното јаболко.

Авторите на студијата сметаат дека очите се важен канал што овозможува продирање на вирусот САРС-КоВ-2 во организмот.

„Забележавме дека пациентите со ковид што подолго време секојдневно носеле диоптерски очила се релативно ретки, што може да биде прелиминарен доказ дека таквите лица се помалку подложни на инфекција со овој вирус“, напишаа авторите на студијата.

Тие посочија дека очилата кај луѓето што ги носат секојдневно во разни пригоди може да станат заштитен фактор што во нивниот случај ќе го намали ризикот од пренесување на вирусот преку очите и на крај можеби ќе ги поштеди од заразување со ковид.

Легенда под Главна слика

Фото: ЕПА

Опседнатоста со лесна и брза заработувачка, завидливоста и љубомората кон побогатите, невидената мрзливост комбинирана со желбата за убав и прилично ситуиран живот, од Македонците создаде зомбизирани суштества кои лутаат низ времето и просторот, без патоказ и без изграден вредносен ориентир по кој ќе се водат низ животот.

повеќе

Иако новогодишните честитки во јануари оваа година, беа најчесто за здравје и со желба за „старото нормално“, првите три месеци од 2021 година не навестуваат крупни промени околу тоа кој ќе биде повторно најизговорениот збор и во периодот кој претстои. 

повеќе

Програмата за вакцинација во Бугарија може исклучиво да се окарактеризира како фијаско. 

повеќе