Му препорачаа да ги намали редовните активности

Лончар: Вучиќ беше животно загрозен, лекарите му го спасија животот

Српскиот министер за здравство, Златибор Лончар изјави дека српскиот претседател Александар Вучиќ има хронични, помали проблеми со срцето, но дека во петокот неговата здравствена состојба се влошила кога решил да се обрати до лекарите од ВМА, пренесе Н1.

Лончар за Танјуг изјави дека по приемот на ВМА, е проценето дека претседателот на Србија е животно загрозен.

Во таа здравствена установа, медицинските екипи моментално ги спровеле сите неопходни мерки за санирање на ваквата сериозна состојба, а според Лончар, Вучиќ добро реагирал на терапијата што му е препишана.

Сепак, стручните тимови на ВМА му препорачаа на претседателот на Србија да ги намали своите редовни активности во наредниот период со цел целосно да се опорави од влошената здравствена состојба до која дошло во петокот.

„Ја користам оваа прилика лично да им се заблагодарам на медицинските тимови на ВМА, кои уште еднаш ја покажаа својата стручност и професионализам“, рече Лончар, додавајќи дека врвни лекари и медицински сестри ја потврдиле силата на една држава.

Вучиќ исто им се заблагодари на вработените во ВМА. Тој порача дека ќе биде „во целосна работен погон“ од понеделник.

Ако идниот премиер биде македонски Албанец и ако успее сите граѓани на Македонија да се поклонуваат под едно знаме, тогаш – зошто да не!

повеќе

Стана премногу вообичаено да се слушнат повици за брза и сериозна одмазда како одговор на недокажани престапи на говорот и мислата, велат Ноам Чомски, Џ.К. Роулинг и 150 други интелектуалци во отворено писмо до јавноста.

повеќе

Додека повеќето земји во светот се соочуваа со двојна, здравствена и економска криза, Косово преминуваше во тројна криза заради политичките случувања.

повеќе