Ги повика Полјаците „да ја одбранат црквата од жените“

Лидерот на владејачката полска партија: Одлуката за забрана на абортусот не може да се поништи (ВИДЕО)

Лидерот на владејачката полска партија Јарослав Качински изјави дека судската одлука со која дополнително се ограничува абортусот не може да се поништи, заканувајќи се со акција против масовните протести кои се раширија низ Полска по одлуката донесена минатиот четврток.

EPA-EFE

Уставниот суд на Полска минатата недела донесе одлука со која речиси целосно се забранува абортусот во мнозински католичката земја, а потоа следеа пет дена протести низ земјата.

Кога таа одлука ќе стапи на сила, прекинот на бременоста ќе биде легален само во случај на инцест, силување или загрозено здравје на мајката. Судот кажа дека абортусот поради аномалии на фетусот, кој досега во Полска беше легален, е неуставен.

„Не можеше да биде донесена друга одлука имајќи го предвид уставот“, кажа Качински на видеоснимка на фејсбук страницата на партијата Право и правда.

„Не можеме да ја смениме оваа одлука по сегашниот устав“, додаде тој.

Кажа и дека протестите ќе чинат многу човечки животи и предупреди дека оние кои повикуваат на нив или учествуваат во нив прават злочин, барајќи од Полјаците да направат повеќе за „одбрана на Полска и Црквата“ од жените.

Неговата порака доаѓа по повикот на премиерот Матеуш Моравјецки на прекин на масовните протести, кој кажа дека тие кои учествуваат во нив ги занемаруваат „големите ризици“ од ново разгорување на пандемијата на коронавирусот.

Протестите се одржуваат и покрај ограничувањата воведени со цел сузбивање на порастот на бројот на случаи на ковид-19. Полска во последните 24 часа има рекордни 16.300 нови случаи.

Расправија изби и вчера во полскиот парламент кога опозициски пратеници извадија плакати со натписи „Ова е војна“, „Срамота“ и „Легален абортус“, и го опкружија Качински.

Изгледа дека и Качински и Право и правда ги изненадија интензитетот на протестите, кои иницираа и невообичаено жестока реакција против Католичката црква. Се смета дека свештенството е тесно поврзано со владејачката партија и нејзините ултраконзервативни пратеници во парламентот.

Легенда под Главна слика

EPA-EFE

Критичкото малцинство, на 2020 година не гледа само како на година која ја донесе вирусната пандемија, туку и како на година која донесе и еден друг вид на пандемија, онаа на КОВИД-авторитаризмот.

повеќе

Во моментов, мал број проекти или иницијативи во Македонија се фокусираат на тоа како универзитетите ги подготвуваат студентите за општествена одговорност и за граѓанскиот статус.

повеќе

Попис на населението во 2020 треба да има, затоа што тоа утре може да биде услов за Македонија да чекори напред кон ЕУ.

повеќе