На годишнината од нападот врз САД

Лидерот на Ал каеда ги повика муслиманите да нападнат западни цели

Лидерот на Ал каеда Ајман ал Завахири ги повика денес муслиманите да нападнат американски, европски, израелски и руски цели во својот говор по повод 18-годишнината од терористичките напади од 11 септември.

Во видеото што го објави милитантната група Ал Завахири ги критикува „повратниците“ од џихадот, што се однесува на поранешните џихадисти кои ги промениле своите ставови во затвор.

„Ако сакате џихадот да се фокусира само на воени цели, американската војска е присутна низ целиот свет, од исток до запад. Вашите земји се полни со американски бази, со сите неверници и корупцијата што ја шират“, кажа тој.

Во координираните киднапирања на Ал каеда на 11 септември 2001 загинаа речиси 3.000 луѓе, кога грабнатите авиони удрија во Светскиот трговски центар и Пентагон, а третиот падна во поле во Пенсилванија.

Ал Завахири, кој е Египќанец, стана лидер на Ал каеда по убиството на Осама бин Ладен во 2011 година. Се смета дека тој се крие некаде во пограничниот дел меѓу Авганистан и Пакистан.

Сега, кога нашата држава ја предводат анационални лидери, кога супериорната бугарска власт смрди од агресивен национализам, ќе биде тешко да се изгради цврсто пријателство.

повеќе

Иако Буџетот 2020 е популистички, сепак со цврстите ставови за отфрлање на субвенциите за возила и за промена на даночната политика на СДСМ, како и во идејата за понатамошно отворање на Министерството за финансии се наѕира дека Ангеловска знае што прави.

повеќе

Да се стави точка на великобугарскиот шовинизам е насловот позајмен од едно писмо напишано во јули 1946 година од Илинденската организација до Владата на слободна Македонија.

повеќе