Лидерите на Г7 до Русија: Престанете со дестабилизирачките активности

Лидерите на земјите-членки на групата Г7 ја повикаа Русија „да престане со дестабилизирачките активности", вклучително и медијации и интервенции, да ги почитува човековите права и да ги изведе пред лицето на правдата одговорните за сајбер нападите од нејзина територија.

Фото: ЕПА

„Ја повикуваме Русија итно да истражи, да објасни веродостојно и да даде веродостојни објаснувања за употребата на хемиско оружје на нејзина територија“, изјавија лидерите во завршната изјава која се однесува на Русија.

Повикот за истрага за хемиско оружје се толкува во контекст на труењето на истакнатиот руски опозициски лидер Алексеј Навални, кој беше на лекување во Германија од последиците од труење со воен отров новичок.

Навални го обвини рускиот претседател Владимир Путин за труењето, но Кремљ ги отфрли ваквите обвинувања.

Лидерите ја повикуваат Русија да престане со „систематската репресија над граѓанското општество и независните медиуми и да ги идентификува и прогласи одговорни лицата кои во границите на таа држава спроведуваат кибернетички напади“, се вели во соопштението.

Велика Британија претходно соопшти дека Русија е водечки промотор на сајбер напади.

Прашањето е во центарот на вниманието по кибернетичките напади врз гасоводот Колонијал, најголем во САД и нападот врз најголемата светска компанија за обработка на месо ЈБС, кој парализира големи делови од производството во Северна Америка и Австралија.

„Ги повикуваме сите држави итно да ги идентификуваат и оневозможат криминалните мрежи кои вршат сајбер напади и бараат откуп и да ги изведат пред лицето на правдата“, се наведува во соопштението.

Шефовите на државите и владите на Франција, Италија, Велика Британија, Канада, САД, Германија и Јапонија го заклучија тридневниот самит со завршна изјава, првиот физички одржан самит во Англија која во моментов претседава со Г7 и беше посветен на борбата за економско закрепнување од ковид и климатските промени.

Легенда под Главна слика

Фото: ЕПА

Западот може да му послужи на остатокот од светот како изложба на ужасни и очигледно неуспешни идеи, меѓу кои се и комунизмот, фашизмот, нацизмот, феминизмот, анархизмот и, во последно време, либерализмот.

повеќе

Како и главниот лик во романот, Доне Совичанов, и Ташко Георгиевски никогаш не потклекна и не побара пусулче од Канцеларијата на нашиот јужен сосед во Скопје за да ја премине границата и да го посети своето родно село во Егејска Македонија.

повеќе

Министерството за финансии во изминатиот период активно работеше на реформа за унапредување на фискалната децентрализација, која нуди сериозно системско решение за стабилни финансии на општините кои ќе значат одговорни општини и испорака на квалитетни и ефикасни услуги за граѓаните. 

повеќе