Либан бара од светските сили да им овозможат на Сиријците да се вратат дома

Либанскиот претседател Мишел Аун ги повика на Арапскиот економски самит светските сили да се ангажираат околу враќањето на ситиските бегалци во своите домови, без оглед на политичкото решение на војната во таа земја.

Аун кажа во Бејрут дека Либан има повеќе решенија за безбедно враќање на бегалците дома кои ќе ги претстави.

Од почетокот на конфликтот во Сирија во 2011 повеќе од милион луѓе избегаа од таму во Либан. Според податоците на хуманитарните агенции, тие таму живеат во екстремна сиромаштија.

ОН тврдат дека нивното враќање во земјата сѐ уште не е безбедно.

Либанските власти ги повикаа бегалците да се вратат дома откако сирискиот претседател Башар Ал Асад врати најголем дел од териториите со руска и иранска помош.

Но, поделбите меѓу арапските земји околу Сирија, како и внатрешните несогласувања меѓу Либанците, го поткопаа самитот уште пред неговиот почеток, и неколку лидери го откажаа учеството.

Клучниот проблем е прашањето дали треба Сирија повторно да се прими во Арапската лига, откако пред повеќе од седум години нејзиното членство во сојузот беше суспендирано.

Демонизирањето на Исламот и неговото постојано поврзување со тероризмот е загрижувачка појава во светот, а и на Балканот.

повеќе

Последните искричења во меѓународниот поредок ја прават нејасна агендата за евроатлантски интеграции на регионот која претставува неопходен услов за долгорочна стабилност на Западен Балкан.

повеќе

Очигледно во градењето на македонското општество заборавивме да ја промовираме правдата како негова примарна цел.

повеќе