Ја проширија забраната

Летонија покрај нацистичките, ги забрани и советските униформи

Летонија ја прошири забраната на употребата на нацистичките и советските симболи во јавност, па таа сега ќе се однесува и на униформите на двата режими.

Парламентот на балтичката членка на Европската Унија вчера изгласа измена на законот што забранува носење на униформите на војските и репресивните тела на нацистичка Германија и на Советскиот Сојуз.

Измената на законот ќе стапи во сила на 1 јануари 2020 година, соопшти парламентот во Рига.

Летонија во текот на Втората светска војна во различно време ја окупираа силите на Советскиот Сојуз и на нацистичка Германија, а својата независност ја стекна во 1991 година.

Додека ветераните на советската војска традиционално маршираа низ градовите на настаните по повод Денот на победата 9 мај, ветераните на СС-единиците го правеа истото на 16 март по повод Денот на легионерите.

Досега во сила беше забрана за истакнување на обележјата на двата режими, како знамиња и грбови.

Забранетите симболи ги вклучуваат советската црвена петокрака со срп и чекан и нацистичката свастика.

Минатата недела, Сирија повторно беше на врвот на меѓународните вести. Земјата, која долги години е вклучена во борбата против екстремистичките групи, повторно се соочи со нов бран на агресија и воена акција. Во средата, на 9 октомври, турската армија, заедно со сириските антивладини бунтовници, го започна маршот кон североисточните делови на оваа земја што предизвика жестоки борби.

повеќе

Добар изборен систем треба да биде репрезентативен, но и да овозможува ефикасно владеење.

повеќе

Луѓето можете и ги задржите во сопствената земја - ако им е добро.

повеќе