Женева

Лекари активисти легнаа пред зградата на СЗО за заштита на природата (ФОТО)

Медицинските работници се собраа вчера пред зградата на Светската здравствена организација (СЗО) во Женева.

Фото: ЕПА

Загрижени поради последиците од уништувањето на животната средина врз јавното здравје, медицинските работници се собраа вчера пред зградата на Светската здравствена организација (СЗО) во Женева, барајќи од здравствените власти да ги стават на прво место климатските промени и загубата на биодиверзитетот.

Фото: ЕПА

Облечени во бели медицински мантили, активисти од движењето Докторите во бунт против истребувањето тргнаа пеш од женевскиот Плоштад на нациите кон седиштето на СЗО, каде што ги пречекаа генералниот директор на Тедрос Аданом Гебрејесус и Марија Неира, директорката за животна средина, климатски промени и здравје.

Фото: ЕПА

„Пандемијата ќе заврши, но нема вакцина против климатските промени“, рече Тедрос, пречекувајќи ги и поздравувајќи ги активистите пред зградата на СЗО. „Сега мора да дејствуваме солидарно за да спречиме негативни појави и да се подготвиме, пред да биде предоцна.“

Професорката Валери Д’Акремон, специјалистка за заразни болести и коосновач на движењето, го повика СЗО „да стане движечка сила и гарант за спроведување на јавните политики што ќе го почитуваат здравјето на сите и ќе спасуваат животи“.

Активистите му предадоа на Тедрос писмо и голем песочен часовник како симбол на бунтот против истребувањето на видовите. Целта на движењето е да се поттикне движење од поголем обем за да се избегне најлошото сценарио, уништување на животната средина, на што постојано потсетуваат научниците што ги проучуваат климатските промени.

Тедрос подоцна на Твитер објави порака од СЗО во која се вели дека обете организации се „солидарни и поттикнуваат глобална акција“, со крајна цел насекаде да се запре климатската криза и да се заштити здравјето. Тој напиша дека „овие два концепти се неразделно поврзани и испреплетени“.

Легенда под Главна слика

Фото: ЕПА

Министерството за финансии во изминатиот период активно работеше на реформа за унапредување на фискалната децентрализација, која нуди сериозно системско решение за стабилни финансии на општините кои ќе значат одговорни општини и испорака на квалитетни и ефикасни услуги за граѓаните. 

повеќе

Либералната империјалистичка доктрина на Америка е одговорна за ужасниот масакр во места како Виетнам, Ирак и Централна Америка. Но Америка, исто така, произведе либерална антиимперијалистичка доктрина што останува затскриена во една ТВ-серија што ја восхитува американската публика уште од 1966 година.

повеќе

Граѓани, бегалци, мигранти, веќе не ни е важно – се чини дека никој не гледа светла иднина за себе во Албанија.

повеќе