Лавров: Со испраќањето ракетни системи ризикувате во конфликтот во Украина да се вклучи трета страна

Рускиот министер за надворешни работи ја обвини Украина дека со своите барања за посилно оружје провоцира понатамошно вмешување на Западот во воената акција на Русија.

EPA-EFE

Сергеј Лавров, откако Соединетите Американски Држави објавија дека на Украина планира да ѝ испрати напреден ракетен систем, сугерираше дека со тоа се отвора ризик во конфликтот да се вклучи трета страна.

„Нештата кои режимот во Киев ги бара од своите западни покровители прво ги надминуваат сите граници на пристојноста и дипломатските односи и, второ, се директна провокација со цел вовлекување на Западот во борбата“, кажа Лавров во Саудиска Арабија.

Американскиот државен секретар Ентони Блинкен кажа дека Украина им ветила на САД дека напредните ракетни системи нема да ги користи против цели на руска територија.

„Постои голема доверба меѓу Украина и САД, како и меѓу нашите сојузници и партнери“, кажа Блинкен на прес-конференцијата.

Новото оружје вклучува артилериски ракетен систем М142 ХИМАРС. Системите можат да лансираат повеќе прецизно наведувани проектили на цели оддалечени дури 70 километри, што е значително подобро од опремата која сега ја има Украина.

Портпаролот на Кремљ Дмитриј Песков ги обвини САД дека со испраќањето оружје намерно долеваат оружје на огнот и кажа дека не верува дека Киев нема да пука на Русија.

Легенда под Главна слика

EPA-EFE

Постои нужна потреба од прилагодување на студиските програми, соодветните силабуси и наставниот курикулум на реалната потреба на пазарот на труд во државата.

повеќе

Во текот на оваа и претходната година, инфлацијата ја задуши македонската економија. 

повеќе

Одлучната изборна победа на италијанската десница овозможува нејзиниот лидер да биде првата жена премиер во Италија и прва која тврди дека недвосмислено има постфашистичко потекло.

повеќе