Лајчак: Независноста на Црна Гора е сериозно и емотивно прашање

Независноста на Црна Гора е многу сериозно и емотивно прашање и не изненадува тоа што луѓето различно гледаат на него, оцени поранешниот шеф на словачката дипломатија и претставникот на Европската Унија за организирање на референдумот за независност на Црна Гора Мирослав Лајчак.

EPA-EFE

На прашањето на подгорички Вијести зошто и понатаму траат расправите на тема самостојноста на Црна Гора, иако од референдумот поминаа 15 години, односно зошто не се надминати националните поделби и „стравот од политиката на Белград“, тој кажа дека изградбата на нацијата е посебен, подеднакво чувствителен процес кој трае со децении.

„Независноста на Црна Гора е многу сериозно и емотивно прашање. Затоа не изненадува тоа што луѓето различно гледаат на него. Црна Гора може да биде многу горда што ова прашање е решено на најцивилизираниот можен, европски начин, што го потврдува и фактот што самиот процес никогаш не е доведен во прашање“, кажа Лајчак.

Тој додаде дека неговиот став е дека Црна Гора ги презела вистинските чекори на патот кон независноста.

„Ова важи особено за првата деценија на независноста, бидејќи успешно напредуваше во евроатлантските интеграции. Постигнувањето на сето ова за релативно кратко време треба на црногорските граѓани да им даде чувство на гордост и исполнетост“, додаде Лајчак, кој сега е претставник на ЕУ за дијалогот на Белград и Приштина и други регионални прашања на Западниот Балкан.

Легенда под Главна слика

EPA-EFE

Tреба да ја прифатиме технологијата, наместо да се плашиме од неа, а и игрите се дел од тој процес. 

повеќе

Moжно ли е стотици кандидати за градоначалници три недели да ветуваат, а никој да не каже од каде средства за таа намена т.е. никој да не го спомене зборот децентрализација кој претставува клуч за било какво ветување?

повеќе

Капиталното дело на Танас Вражиновски „Македонска народна митологија“, упатува на потребата нашата наука постојано да се враќа на извориштата на македонската култура и писменост, создавани од светите браќа Кирил и Методиј и од нивните ученици и следбеници, светите Климент и Наум Охридски. 

повеќе