Поранешниот косовски премиер

Курти: Во Вашингтон беше создадена „Четврта Југославија“

Поранешниот косовски премиер и лидер на движењето Самоопределување Аљбин Курти му даде ново име на договорот постигнат во Белата куќа меѓу Србија и Косово на 4 септември.

EPA-EFE

Тој го нарече „договорот со кој се создава четврта Југославија“, пренесуваат косовските медиуми.

Додаде дека таа нова Југославија се создава преку областа „мини Шенген“ која на Србија ќе ѝ овозможи економска хегемонија над Албанците на Косово и во Албанија.

„Косовските Албанци и Албанците во таа „Четврта Југославија“ ќе бидат само потрошувачи на српската стока и ќе се надеваат дека ќе ги добијат патарините од српските камиони. Затоа што нашите произведувачи ќе останат незаштитени“, кажа Курти.

Според него косовскиот премиер Авдулах Хоти ги потпишал најголемите отстапки кои Косово ги направило пред Србија од повоениот период.

„Србија се избори за целосна рехабилитација пред светот. Со децении српскиот претседател не одеше во Белата куќа“, кажа Курти.

„Авдулах Хоти ги понижува меѓународната позиција и статусот на нашата земја“, заклучи Курти.

Легенда под Главна слика

EPA-EFE

Баталете ги овие глупости со Бугарија, а Османи нека си фати патот до Брисел да земе обрасци за членство во ЕЕО и нека ги пополнат брзо.

повеќе

Во Скопје се надеваат дека претстојните парламентари избори во Бугарија се една од причините поради кои владата на Бојко Борисов не попушта во врска со членството на Македонија во ЕУ.

повеќе

Упадот во американскиот Капитол што го извршија приврзаниците на Доналд Трамп како последен очаен обид да се поништи резултатот од изборите во 2020 година беше исто толку предвидлив колку и шокантен.

повеќе