За Фајненшл тајмс

Курти: Србија е кошмар за соседите, продолжува со старите соништа

Косовскиот премиер Албин Курти ја повика Србија да се откаже од национализмот, оценувајќи дека Белград продолжува „со старите сништа, кои станаа ноќен кошмар за нивните соседи, но и за самиот српски народ“.

Фото: ЕПА

Во денешното интервју за Фајненшл тајмс Курти вели дека „една симетрија на правата на малцинствата“ од двете страни би била „најефикасната борба против национализмот“.

„Тука мислам дека е проблемот со Белград. Тие продолжуваат со старите сништа, кои станаа кошмар за нивните соседи, но и за самиот српски народ. Една симетрија на правата на малцинствата, исти права за Србите во Косово и за Косоварите во Србија, би била најефикасната борба против национализмот“, изјави Курти.

Според косовскиот премиер, постои јасна опасност од руска вклученост во односите меѓу Косово и Србија, со што се зголемува можноста за конфликт.

„Вознемирени сме, но не и уплашени. Како ќе се развива ситуацијата ќе зависи многу од односот и притисокот на западните демократии врз Белград“, рече Курти.

Тој побарал од западните сили да му помогнат на Косово во неговите амбиции за зачленување во ЕУ и НАТО, како и да го зголемат притисокот врз Србија со цел да се решат децениските тензии кога е во прашање државноста на Косово.

„Ние имаме потреба од помош од нашите сојузници и партнери, Обединетото Кралство, САД, Германија, Франција, Италија и другите, за да помогнат во однос на тие што не нѐ признаваат“, изјави Курти за ФТ.

Легенда под Главна слика

Фото: ЕПА

Доколку чувствуваме дека нашиот труд ќе биде награден со успех, ќе ѝ приоѓаме на околината со апетит, доверба и храброст.

повеќе

Од општи формулации кон конкретни разговори.

повеќе

„Вчерашниот ден измина, утрешниот допрва доаѓа, го имаме само денес - да започнеме“.

повеќе