Косовскиот премиер

Курти подготвува нов „косовски реципроцитет“

Косовскиот премиер Аљбин Курти кажа дека владата која ја предводи се залага за целосен реципроцитет, за да има правда во односите на Косово со Србија.

EPA-EFE

Според него, во рамки на целосниот реципроцитет, би требало да има меѓусебно признавање меѓу Косово и Србија.

„Реципроцитетот не е одмазда, туку сметаме дека тоа е принцип на добрососедски односи, концепт на еднаквост. Косово и Србија не можат да имаат нееднакви асиметрични односи, па како независна држава, како влада, ќе се залагаме за целосен реципроцитет кој би донел правда за земјата во смисла на нашите односи, а во рамки на овој реципроцитет заемното признавање треба да биде центарот, односно Србија да го признае Косово“, кажа Курти.

Тој ги отфрли обвинувањата на опозициските партии дека им штети на односите со САД поради откажувањето на проектот на гасоводот, а потврди дека е во постојан контакт со американската програма МЦЦ.

„Тврдењата не се точни, во контакт сме со МЦЦ, разговараме и за тоа како во оваа фаза е најдобро да се искористат средствата кои ќе ни помогнат во нашите енергетски политики. Значи, ако кажавме дека ни се потребни повеќе информации и студии, тоа не значи дека сме одбиле, туку значи дека сме одговорни. Американските средства се добредојдени и посакувани, ќе ги користи нашата влада“, кажа Курти.

Околу самитот ЕУ-Западен Балкан во Словенија, Курти кажа дека е заинтересиран за договорите во кои Косово се третира еднакво и од кои граѓаните имаат корист.

„Отворени сме и спремни за најдобри можно соседски односи, каде меѓу овие шест земји само Србија нè признава, а поради нејзиното влијание ни БиХ. Интересно е што земјите од Западниот Балкан кои се во НАТО го признаваат Косово, па за договори во кои сме еднакво третирани, дури и во поглед на дипломите и квалификациите, дефинитивно сме заинтересирани“, кажа косовскиот премиер.

Легенда под Главна слика

EPA-EFE

Ние Македонците од село Гореме, општина Струмјани, го поздравуваме народот покрај Вардар (барем реката сѐ уште е таму) и се „восхитуваме" на дејствувањата на мудрите мажи на државата.

 

повеќе

Земјите треба да бараат начини за градење мостови и унапредување на билатералните економски врски, а не да гледаат во минатото и да му наметнуваат на македонскиот народ поинаков идентитет или историски наратив.

повеќе

Tочната искористеност и капацитет на водните ресурси во државата e невозможно прецизно да се пресмета заради недостиг на континуирани хидролошки мерења и мониторинг на квалитетот на водите.

повеќе