Австрискиот канцелар

Курц: Граѓаните на Србија да бидат свесни дека без напредок во дијалогот нема ЕУ

Австрискиот канцелар Себастијан Курц изјави дека секое можно решение на косовскиот проблем ќе мора да ја има поддршката од големите сили, особено од постојаните членки на Советот за безбедност на ОН.

Тој истакна дека граѓаните на Србија мора да бидат свесни дека без јасен напредок во односите меѓу Белград и Приштина Србија нема да може да се приклучи на Европската Унија.

„Во наш интерес е да бидеме во блиски партнерски односи со САД кога станува збор за Западниот Балкан и да ја имаме нивната поддршка во охрабрувањето на напредокот во постигнувањетто решение за ова важно прашање“, кажа Курц во интервју за магазинот Корд.

Тој наведе и дека граѓаните на Србија мора да бидат свесни „дека без ефективна и јасна нормализација на односите на Белград и Приштина нема да има пристапување во ЕУ“.

„Имаме добри односи и со Белград и со Приштина, и се обидуваме да го поддржиме процесот (на дијалогот) што е можно повеќе“, кажа австрискиот канцелар.

Курц повтори дека отсекогаш сметал дека местото на Србија е во Европската Унија, како и на сите други земји од Западниот Балкан, додавајќи дека она што се случува на Балканот има влијание и врз Австрија.

На прашањето дали пристапувањето на земјите од Западниот Балкан привремено е отстрането од агендата на Брисел, имајќи ги предвид актуелните случувања во ЕУ, Курц истакна дека тоа не е точно.

„Што би можело да ве доведе до таков заклучок? Токму спротивното, бидејќи за време на бугарското и австриското претседателство со ЕУ во 2018 процесот на проширувањето беше ставен на врвот на агендата“, истакна тој.

Улогите на „добар и лош полицаец“ ќе ги играат кон нас уште долго, доколку не сфатиме дека со итроманска политика не се може подалеку од Табановце до Богородица.

повеќе

Неделава, владите на ЕУ повторно решија да го одложат започнувањето на преговорите за пристапување со земјите кандидати Албанија и Северна Македонија, што претставува историска грешка - бидејќи безбедноста и стабилноста на Унијата зависат од трансформацијата на југоистокот.

повеќе

Минатата недела, Сирија повторно беше на врвот на меѓународните вести. Земјата, која долги години е вклучена во борбата против екстремистичките групи, повторно се соочи со нов бран на агресија и воена акција. Во средата, на 9 октомври, турската армија, заедно со сириските антивладини бунтовници, го започна маршот кон североисточните делови на оваа земја што предизвика жестоки борби.

повеќе