„Ова е неверојатно. Не знам како успеале. Бев изненаден од тоа колку се во добра форма“, изјави поручникот Џастин Доерти за подружницата ВПЛГ на Си-ен-ен.
Членовите на крајбрежната стража на САД за време на рутинска патрола во понеделникот забележале двајца мажи и жена како мавтаат со импровизирани знамиња на островот Ангуила Кеј, дел од синџирот острови меѓу островската група Флорида Кис и Куба.
Прво во понеделникот им доставиле радио, храна и вода, а потоа во вторникот ги спасиле од островот.
#BreakingNews @USCG is assisting 3 people who have reportedly been stranded on Anguilla Cay, Bahamas for 33 days. An Air Station Miami HC-144 Ocean Sentry aircrew has dropped a radio, food and water. More to follow.#D7 #Ready #Relevant #Responsive #searchandrescue #USCG pic.twitter.com/D263ptTarz
— USCGSoutheast (@USCGSoutheast) February 9, 2021
Тројцата Кубанци ѝ рекле на крајбрежната стража дека нивниот брод се превртел за време на бура пред околу пет недели и дека тие успеале да допливаат до пустиот остров.
Не беше веднаш јасно дали станува збор за мигранти што се обидувале да дојдат во Соединетите Држави или само се загубиле на море.
Двајцата мажи и жената, наводно, немале сериозни повреди, но сепак биле пренесени во болница на лекарски преглед.
