Потврдено на сајтот на Белата куќа

Кристофер Хил номиниран за нов амбасадор на САД во Србија

Американскиот дипломат Кристофер Хил е номиниран за нов амбасадор на Соединетите Американски Држави во Србија, потврдено е на сајтот на Белата куќа.

EPA-EFE

Тој е номиниран од американскиот претседател Џо Бајден.

Новиот американски амбасадор е познавач на регионалните прашања бидејќи беше заменик на Ричард Холбрук, главниот американски преговарач на мировните преговори во Дејтон, со кои беше завршена војната во Босна и Херцеговина.

Во декември минатата година на конференцијата „Наследството на мирот – 25 години од Дејтонско-парискиот мировен договор“, тој истакна дека Дејтон, чија цел била да се сопре војната, резултирал и со некои политички решенија кои не функционираат, а сега, кога тој би се прашувал, би инсистирал на „рационализирани власти“ со целосно почитување на највисоките стандарди на човековите права.

Тој беше амбасадор на САД во Ирак, Јужна Кореја, Полска, Македонија и накратко во Албанија. Беше и специјален претставник за Косово на САД.

Тој на местото амбасадор ќе го замени Ентони Годфри кој во Белград е од ноември 2019 година.

Хил е и поранешен помошник на американскиот државен секретар за Источна Азија и главен преговарач со Северна Кореја од 2005 до 2009 година.

Легенда под Главна слика

EPA-EFE

Конески со голема дарба и со рационална мисла, создаде комуникативна поезија, создаде за македонските генерации образец на читлива литература.

повеќе

Првичната реакција на голем број држави кога се појави новата варијанта на ковид-19 вирусот за забрана на патувањето од Јужна Африка и од соседните држави, иако истиот веќе се има проширено, е очајна мерка. Всушност, државите можеби се и подобро подготвени отколку што мислат за што и да следи.

повеќе

Со неколку геополитички шаховски потези, Кина докажа дека не секогаш оружјето и војните се единствениот начин за глобална доминација.

повеќе