Кремљ: САД можат да го искомплицираат, но не може да го сопрат завршувањето на Северен тек 2

Најавените нови американски ограничувања врзани со гасоводот Северен тек 2 би можеле да го искомплицираат довршувањето на неговата изградба, но Русија и нејзините партнери планираат да го довршат проектот, соопшти денес Кремљ.

EPA-EFE

Администрацијата на Доналд Трамп планира да усвои нов пакет санкции насочени кон сопирање на гасоводниот проект, јави претходно Ројтерс, повикувајќи се на информирани извори.

На прашањето дали Соединетите Американски Држави имаат реални механизми да го сопрат проектот, портпаролот на рускиот претседател Владимир Путин Дмитриј Песков порача дека не може да гледа во иднината и потсети дека Европа е заинтересирана за довршување на изградбата.

Северен тек 2 предвидува изградба на два крака на гасоводот со вкупен капацитет од 55 милијарди кубни метри гас годишно, од рускиот брег на Балтичкото Море до Германија.

На проектот активно се противат Соединетите Држави, кои сакаат да ѝ го продаваат својот поскап течен гас на Европа, како и Полска, Украина и балтичките земји.

Легенда под Главна слика

EPA-EFE

Формирањето на платформа за прекугранична соработка за борба против аерозагадувањето има потенцијал вистински да придонесе за намалување на загадувањето на воздухот во нашата земја.

повеќе

 Еврообврзница во услови на најголемата светска економска криза за репрограмирање на долгот и буџетска поддршка.

повеќе

Повикот на Заев за „Влада за национален спас“ само три дена откако неговиот кабинет ја доби собраниската доверба, покажува дека таа тешко би се качила над сегашните 62 пратеници.

повеќе