Кремљ објави детали од средбата на Путин и Ердоган, траела четири часа

Рускиот претседател Владимир Путин и неговиот турски колега Реџеп Таип Ердоган договориле на состанокот во Сочи да ја зајакнат економската и енергетската соработка, соопшти Кремљ. За време на четиричасовната средба двајцата лидери договориле дека „ќе ја зајакнат трговската размена“ меѓу двете земји и „ќе постапуваат во насока на заедничките очекувања во областа на економијата и енергетиката“, се наведува во соопштението.

EPA-EFE

Станува збор пред сè за сообраќајниот сектор, земјоделството, финансиите и градежништвото, како и за туристичкиот сектор.

Од политичка страна, тие ја истакнале „клучната важност на искрените, отворени односи полни со доверба меѓу Русија и Турција за да се обезбеди регионална и меѓународна стабилност“, се истакнува.

На почетокот на средбата во Сочи Путин му се заблагодарил на Ердоган за неговите напори кои овозможија да се постигне договор меѓу Москва и Киев за извозот на украинските житарки од пристаништата на Црното Море.

„Благодарение на вашето директно учество и посредништвото на генералниот секретар на ОН, проблемот околу извозот на украинските житарки од црноморските пристаништа е решен. Испораките веќе тргнаа и на тоа ви благодарам“, кажа Путин.

Путин и Ердоган потврдија дека се решени да соработуваат и во борбата против сите терористички организации во Сирија, пренесува Ројтерс.

Легенда под Главна слика

EPA-EFE

Здруженост, сплотеност и поврзаност на луѓе, друштва, организации и институции кон една заедничка цел или поради заедничка причина. 

повеќе

Неколку години при здрав разум сакаат да ни наметнат и да нѐ убедат дека со соседна Бугарија сме имале заедничка историја. 

повеќе

Деновиве во Комората пристигна нацрт-концептот за даночни реформи, кој треба да претставува основа за јавна расправа во наредниот период.

повеќе