Кремљ: Хаг е антисрпски, ние чекаме повик во Бондстил

Пресудата на Ратко Младиќ е само продолжение на политизираниот и пристрасен курс кој го зазема Трибуналот во Хаг за време на својата работа, порача официјална Москва.

Портпаролката на руското министерство за надворешни работи Марија Захарова кажа дека е индикативно тоа што Трибуналот не успеал да најде кривично дело во постапките на „озлогласениот босански воен командант Насер Ориќ“, чии милитанти „се криеле во Сребреница и ја користеле за напади врз српските цивили од 1992 до 1994 година“.

Како што кажа, Трибуналот ги толкува трагичните настани од деведесеттите на „вештачки, едностран и антисрпски начин“ и со тоа ја поткопува обновата на заемната доверба на Балканот.

„Трибуналот е далеку од широко прифатените стандарди кога станува збор за постапката, но и основните човекови права, здравјето и медицинската помош“, кажа Захарова.

Зборувајќи за Србија на редовната прес-конференција, таа кажа дека Кремљ „ги примил“ и пораките кои ги испратил командантот на американските копнени сили во Европа Бен Хоџис за Руско-српскиот хуманитарен центар во Ниш.

„Тој уште еднаш ги повтори повеќе пати копираните обвинувања дека центарот е наводно некаква фасада. Изрази желба и да го посети центарот. Спремни сме за неговата посета, а очекуваме и САД да одговорат на нашата отвореност и, чисто од куртоазија, да поканат руски и српски претставници во Бондстил на Косово“, кажа Захарова.

Како што кажа, базата Бондстил е формирана во согласност со Резолуцијата 1244 на Советот за безбедност на ОН, но „американските партнери не сакаат да ја обелоденат нејзината вистинска цел“.

„Можеби и тоа е една од причините за медиумската бучава околу центарот во Ниш“, кажа таа.

Владите постојано ги повторуваат истите грешки. Тие го сметаат долгот како предност за долгорочен раст, наместо она што тој всушност е: тежок товар и извор на масивни долгорочни ризици.

повеќе

Гостиварскиот градоначалник од сограѓаните побара да бидат потолерантни кон однесувањето на печалбарите.

повеќе

Дента кога македонската делегација беше на пат за Нивици, Заев со себе требаше да понесе еден венец.

повеќе