Кремљ: Четирите украински региони се дел од Русија. Ќе ги ослободиме

Руските сили сакаат да ги заземат деловите од источна и јужна Украина кои Москва ги прогласи за руски, објави денес Кремљ. Портпаролот на рускиот претседател Владимир Путин, Дмитриј Песков, кажа дека „Русија мора да ги ослободи“ регионите Доњецк, Луганск, Херсон и Запорожје, четирите региони кои Москва во септември по одржаните референдуми ги прогласи за делови од Руската Федерација.

EPA-EFE

Рускиот претседател Владимир Путин ја објави анексијата на четирите украински региони по референдумите, чиј легитимитет не го признава речиси ниедна земја во светот. Но, ниеден од четирите региони кои Москва ги присвои сè уште не е целосно под контрола на руските сили.