Бугарија

Красимиров призна дека ја нападнал бугарската новинарка Маринова

Бугаринот во петокот кажа дека ја нападнал Викторија Маринова, телевизиската новинарка чие убиство предизвика меѓународна осуда делумно бидејќи првично изгледало дека убиството е политички мотивирано.

Северин Красимиров (21) е обвинет за силување и убиство со екстремна суровост во случајот на Маринова, и се наоѓа во притвор.

Бугарското национално радио објави дека кога го носеле во суд, во северниот град Русе на Дунав, тој разговарал со новинарите.

„Не знам што се случи. Не можам да се сетам на сѐ. Отидов таму и ја удрив, таа падна. Сакав да продолжам, но таа ме фати“, изјави Красимиров за новинарите во ходникот на судската зграда, пренесе Ројтерс.

„Да, виновен сум, многу ми е жал. Не можам да поверувам дека го направив тоа“, рече Красимиров со растреперен глас, кога новинарите го прашаа дали планира пред судот да каже дека е виновен.

Обвинителот подоцна за Ројтерс изјави дека не бил прашан да се изјасни на сослушувањето. Доколку е осуден, се соочува со доживотен затвор без право на помилување.

Маринова, 30, била водителка на емисија  за регионални настани на локалната телевизија во Русе. Нејзиното тело е пронајдено во парк на Дунав на 6 октомври. Полицијата соопшти дека била претепана, силувана и умрела од задушување.

За жал многумина, а особено оние што треба, не може да ја видат историската димензија на оваа посета на еден папа на нашата земја.

повеќе

Кога знаеме како функционира кризата на претставеност, можеме да спречиме повторување на историјата, кое можеби овој пат би имало и многу полоши последици по демократското општество.

повеќе

Деновиве Владата донесе одлука за формирање на ново министерство. А и така, по глава на жител, верувам, рекордери сме по министерства и министри. Оттука, размислував зошто да не предложам да се формира уште едно – за „спречување автоголови".

повеќе