Кралот Чарлс ќе оди во Шкотска за да се приклучи во поворката со ковчегот на кралицата

Британскиот крал Чарлс денеска ќе одлета во Единбург за да им се придружи на своите браќа и сестра кога ковчегот на неговата мајка кралицата Елизабета ќе биде однесен на свечена поворка од една од нејзините шкотски палати до историската катедрала Сент Џајлс во градот.

Фото: ЕПА

Новиот монарх, исто така, ќе им се придружи на високите членови на кралското семејство на бдение во црквата каде што ќе лежи ковчегот пред да биде пренесен во Лондон во вторник.

По смртта на Елизабета на 96-годишна возраст во замокот Балморал, нејзината викендичка во Шкотска, почнаа да се спроведуваат внимателно кореографираната серија планови за оплакување на британската монархиња што владееше 70 години.

Во неделата, нејзиниот дабов ковчег, обвиен во кралското знаме на Шкотска со венец на врвот, беше однесен со погребна кола на шестчасовно патување од Балморал низ живописните шкотски села, селата, малите градови и градовите до Единбург.

Десетици илјади граѓани се наредени по патиштата за да ѝ оддадат почит, додека огромни толпи, некои во солзи, се собраа во Единбург за да ја пречекаат погребната поворка.

„Многу е тажно“, рече Рејчел Линдзи (24). „Мислам дека не очекувавме дека некогаш ќе се случи. Јас мислев дека таа ќе живее вечно. Не мислев дека е реално додека не го видов тоа“.

Пред да тргне за Шкотска, Чарлс (73), кој автоматски стана крал на Обединетото Кралство и на 14 други територии вклучувајќи ги Австралија, Канада, Јамајка, Нов Зеланд и Папуа Нова Гвинеја, ќе оди во британскиот парламент на уште една традиционална церемонија.

Во Вестминстерската сала, пратениците и од Долниот дом и од Горниот дом на лордовите ќе изразат сочувство за смртта на неговата мајка, а новиот крал ќе даде одговор.

Потоа ќе одлета во Единбург со Камила, кралицата сопруга, за да им се придружи на неговата сестра Ана и браќата Ендрју и Едвард.

Децата на кралицата потоа ќе чекорат во поворката зад погребната кола додека ковчегот на нивната мајка ќе се носи во катедралата Сент Џајлс, опкружен со војници.

По службата, ковчегот ќе почива во катедралата 24 часа за да им се овозможи на луѓето да оддадат почит. Континуирано бдение ќе организираат војници од Кралската чета на стрелците - „Телохранители во Шкотска“ на суверенот.

Чарлс ќе го посети и шкотскиот парламент и ќе се сретне со премиерката на Шкотска Никола Старџен.

Во вторник, ковчегот ќе биде пренесен во Лондон, каде што од среда телото ќе биде изложено сѐ до почетокот на 19 септември - денот на државниот погреб на Елизабета - на одар во Вестминстерската сала.

На членовите на јавноста ќе им биде дозволено да минуваат покрај ковчегот, кој ќе биде покриен со кралското знаме со краличината кугла и жезол поставени на врвот, 24 часа на ден.

„Оние што сакаат да присуствуваат ќе треба да чекаат во редица многу часови, можеби преку ноќ“, се вели во соопштението на владата. „Се очекуваат големи толпи и апелираме до луѓето да проверат однапред, да испланираат соодветно и да бидат подготвени за долго чекање“.

Во меѓувреме, илјадници луѓе продолжуваат да се собираат во кралските палати низ цела Британија, носејќи букети цвеќе. Во Грин Парк во близина на лондонската Бакингемска палата долги редови букети сега се извиваат околу паркот што им овозможува на ожалостените да ги прочитаат пораките.

Други граѓани ги прикачија своите пораки со сочувство на дрвјата.

Во Велика Британија последен пат ваква јавна жалост имаше во 1997 година по смртта на првата сопруга на Чарлс, принцезата Дајана, откако таа загина во сообраќајна несреќа во Париз.

„Ова ме потсетува на Дајана пред 25 години“, рече Хелен Су (59). „Бев многу помлад тие денови, спиев преку ноќ во Хајд парк, а ова веројатно се множи со 100.“

Легенда под Главна слика

Фото: ЕПА

Почнавме со спротивставени мислења околу Законот за работни односи, со кој недела се прогласува за неработен ден. Завршивме на Уставен суд.

повеќе

Да ги споменеме и другите големи глобални предизвици: големите опасности од еколошка катастрофа; зголемувањето на нееднаквоста во нашите општества; и напливот на нови технологии кои можат да го нарушат светот доколку истите не бидат соодветно користени и контролирани.

повеќе

Им благодарам на Русите како креатори, но посебно на бугарските послушни  извршители за пропагандата што ја водат против Македонија. Што направија?

повеќе