Крај за најголемиот авион во светот. Ербас го укинува А380

Компанијата Ербас ќе го укине производството на моделот А380, со што од пазарот ќе ги повлече своите легендарни суперџамбо авиони кои требаше да го револуционизираат комерцијалниот авиосообраќај, јави Си-ен-ен.

Европскиот производител на авиони се одлучи на овој потег откако авиокомпанијата Емирати од Дубаи значително ги намали нарачките за овој тип на авиони.

А380, најголемиот светски авион, го започна својот прв лет пред 14 години. Авиокомпанијата Ербас очекуваше дека многумина ќе ја прифатат идејата за огромни авиони кои можат да пренесуваат голем број патници, но тој план не се оствари.

Компанијата досега има испорачано само 234 суперџамбо авиони, а кога започна со производството на овој двокатен модел, предвиде дека во истиот период ќе продаде 1200 такви авиони.

Се чини дека на авиокомпаниите повеќе им одговара идејата за помали и полесни авиони, кои ќе трошат многу помалку гориво. Имено, за овој авион да е исплатлив за авиокомпаниите, секој лет мора да биде распродаден.

Ербас целосно ќе го прекине производството на А380 во 2021 година.

Неопходно е да се допрецизира законот со што би се овозможило одреден дел од финансиски средства да се пренасочат кон делот на општествена одговорност на приредувачите на игри на среќа со цел подобрување на спортската инфраструктура.

повеќе

Тоталното разочарување од сите мејнстрим политички елити, вклучувајќи ги и зелените, континуирано води кон отуѓување на граѓаните, за што доказ е се помасовното бојкотирање на изборните процеси.

повеќе

Помина времето кога политиката беше „шаховска борба“ на политичките актери, која неретко се одвиваше далеку од очите на јавноста и беше доста неразбирлива за обичниот гласач. 

повеќе