Не е претседател на Косово, туку „претставник на Приштина“

Косово и Тачи на покана на БиХ како „недефиниран субјект со фуснота“

Претседавачот на Претседателството на БиХ Милорад Додик изјави дека Хашим Тачи не е повикан на Процесот на соработка во Југоисточна Европа (СЕЕЦП) како претседател на Косово, туку како „претставник на Приштина“.

Додик на новинарите им кажа дека е познат неговиот став за Тачи, и дека нема причина тој на самитот во Сараево да разговара со Тачи, „бидејќи тие од Република Српска се обидоа да направат бабарога, која таа не е“.

„Ако Тачи се согласи да дојде во БиХ, иако покрај Косово стои „фуснота“, нека дојде, јас немам ништо против“, кажа Додик и истакна дека Косово останува непризната земја.

Сараевскиот портал Кликс го објави писмото во кое Додик наведува дека има чест да го покани Тачи на конференцијата во Сараево на 9 јули.

„Одушевен сум што можам да ве поканам на вечерата за лидерите на делегациите која ја организира Претседателството на БиХ на 8 јули“, пишува меѓу другото во писмото.

Додик во писмото не го спомнува Косово, но не ја спомнува ни фамозната „фуснота“ – дека БиХ не го признава Косово, наведува порталот.

Од кабинетот на претседавачот на Претседателството на БиХ по објавувањето на писмото на Додик до Тачи соопштија дека Косово не е повикано како независна држава, туку како „недефиниран субјект со фуснота“.

Се наведува и дека поканата ја испратило Претседателството на БиХ, а не Додик како негов член.

Додик на конференција изјави и дека одбива условување на формирањето на новиот Совет на министри на БиХ со прашањето за пристапувањето на БиХ во НАТО пактот.

„Од сегашната генерација претставници на власта во Република Српска никој не може да очекува да го промени својот став за одбивање на влегување на БиХ во НАТО“, истакна Додик.

Улогите на „добар и лош полицаец“ ќе ги играат кон нас уште долго, доколку не сфатиме дека со итроманска политика не се може подалеку од Табановце до Богородица.

повеќе

Неделава, владите на ЕУ повторно решија да го одложат започнувањето на преговорите за пристапување со земјите кандидати Албанија и Северна Македонија, што претставува историска грешка - бидејќи безбедноста и стабилноста на Унијата зависат од трансформацијата на југоистокот.

повеќе

Минатата недела, Сирија повторно беше на врвот на меѓународните вести. Земјата, која долги години е вклучена во борбата против екстремистичките групи, повторно се соочи со нов бран на агресија и воена акција. Во средата, на 9 октомври, турската армија, заедно со сириските антивладини бунтовници, го започна маршот кон североисточните делови на оваа земја што предизвика жестоки борби.

повеќе