Косово денес одржува предвремени парламентарни избори

На изборите учествуваат 20 партии, четири коалиции и еден независен кандидат од бошњачката заедница од кои што вкупно 1.067 кандидати се натпреваруваат за 120 места во косовското собрание.

На изборите се објавени и шест номинации за косовски премиер, пет од албанска и една од српската заедница.

Гласањето започна утрово во 7 часот, а граѓаните ќе можат да гласаат на 2.547 избирачки места, што е зголемено за 42 избирачки места од претходните избори.

Право на глас имаат 1.937.869 гласачи, или 111.733 повеќе отколку на локалните избори одржани во 2017 година.

Централната изборна комисија на Косово донесе одлука дека 35.087 граѓани надвор од Косово имаат право на глас.

Според аналитичарите и посматрачите, изборната кампања поминала во фер атмосфера со помалку вербални напади и навреди од претходните избори од 2017 година.

И од безбедносна гледна точка нема значајни инциденти, освен обидот за притисок и заплашување на кои што беа изложени косовските Срби во северниот и другите делови на Косово.

За време на кампањата имало многу нереални ветувања, а доминирал дијалогот меѓу Косово и Србија и укинувањето на таксите, како и социјалните прашања, економскиот развој, образованието и здравството.

Европската унија (ЕУ) повика изборниот процес во Косово да се спроведе на мирен, транспарентен и инклузивен начин, во согласност со меѓународните стандарди и владеењето на правото.

Изборите во Косово ќе ги посматраат 34.558 акредитирани набљудувачи.

Античкиот грчки филозоф Хераклитус, кој живеел пред Сократ, Платон и Аристотел, е авторот на често користената поговорка „панта реи“ (Panta rei), односно, во превод, поедноставено: ,„сѐ тече, сѐ се менува, ништо не останува исто, нема апсолутна вистина и единствена реалност е повеќегодишно движење“.

повеќе

Интеграциите и буџетски субвенционираната економија и социјала се проектираните теми на кампањата на власта за претстојните избори.

повеќе

Третманот и плаќањето на работникот од кого зависи целиот производствен систем, треба да биде на прво место кај државата и работодавачот. 

повеќе