Атина

Коронавирус на Света Гора

Најмалку 10 случаи на коронавирус се потврдени во манастирите на Света Гора.

Од нив, осум случаи се во манастирот Свети Павле, а најмалку по еден во Хиландар и манастирското село Лакоскити.

Манастирот Свети Павле, кој се наоѓа на западниот брег на Атос, е ставен во карантин, а еден свештеник е во критична состојба и е префрлен во болница во Солун, пренесува Екатимерини.

Затоа на Атос е испратен тим од Националната организација за јавно здравје (ЕОДИ) за да открие колку вирусот всушност е раширен на Атос.

Како што е наведено, засега никој не може да гарантира дека вирусот не се проширил и во други манастири.

Се додава дека Светата заедница првично ги затворила вратите на Света Гора за посетители, но мерките биле ублажени и на посетителите им било дозволено да ги посетуваат манастирите со мерење на температура, како и на свештениците кои доаѓаат и си одат од островот.

Иако свештениците претходно биле предупредувани да ги почитуваат мерките, многу од нив тоа не го правеле, особено за време на верските собири и церемонии.

Порталот Грик репортер потсетува дека манастирот Свети Павле е основан кон крајот на 10 и почетокот на 11 век и дека во него живеат 31 свештеник.

Манастирската библиотека содржи 494 ракописи и повеќе од 12.000 печатени книги, а манастирот се смета за 14 во хиерархијата меѓу 20 манастири на Света Гора.

Државата Бугарија ги исцрта своите позиции, а државата Македонија не. Сега сме во финалната фаза – за овие прашања да зборуваат партиските водачи – Заев, Мицкоски, а поретко нивните статисти – пратениците и претседателот на Републиката.

повеќе

Во Македонија само 1% од младите професионално се занимаваат со спорт, 7% спортуваат аматерски, додека 42% спортуваат рекреативно или практикуваат физичка активност во вид на хоби и рекреација.

повеќе

Нашето законодавство дава поголема важност на едно парче хартија отколку на вистинската состојба на терен.

повеќе