Координаторот на Исламска држава уапсен на аеродром во Ирак се соочува со смртна казна

Ирачката служба за борба против тероризмот денес објави дека го уапсила координаторот на групата Исламска држава (ИСИС), Ирачанец познат по воениот прекар Абу Наба, откако излегол од авион во Багдад.

Фото: ЕПА

Мажот бил уапсен во октомври додека „влегувал во такси откако излезе од авион што слета на аеродромот во Багдад“, изјави за Франс прес Сабах ал-Ноаман, портпарол на елитната единица за антитероризам.

На прашањето од новинската агенција тој не сакал да го открие вистинскиот идентитет на Абу Наба, од каде потекнува или како можел да патува иако во Ирак била во тек потрага по него.

Абу Наба беше „голема мета“, човек што го почна својот џихадистички поход со Ал каеда во 2003 година, а подоцна се приклучувал на различни групи. ИСИС контролираше скоро третина од Ирак некое време, но беше потисната кон крајот на 2017 година по крвави тригодишни борби, додава ал-Ноаман.

„Тој бил во контакт со членови на ИСИС во Ирак и ние долго време ја следевме нивната комуникација“, рече тој. „Абу Наба се занимавал со финансии, испраќање пораки и организирање состаноци“.

Тој „беше главниот координатор“ на организацијата, која денес пропаѓа откако во 2019 година во Сирија го загуби самопрогласениот „калифат“.

Човекот, кој е во притвор од апсењето во октомври, треба да се појави на суд по тековниот распит. Тој се соочува со смртна казна и само за членството во терористичката организација.

Стотици смртни казни им беа изречени на ирачки и странски борци на ИСИС во Ирак во последните неколку години, а неколку веќе беа извршени со бесење.

И покрај прогласувањето победа во декември 2017 година, ИСИС сè уште извршува напади во Ирак, иако со помал обем од порано.

Десет лица беа убиени во саботата во заседа поставена од џихадисти во северен Багдад, а десет дена претходно единаесет лица беа убиени во гранатирање во близина на главниот град.

Легенда под Главна слика

Фото: ЕПА

Критичкото малцинство, на 2020 година не гледа само како на година која ја донесе вирусната пандемија, туку и како на година која донесе и еден друг вид на пандемија, онаа на КОВИД-авторитаризмот.

повеќе

Во моментов, мал број проекти или иницијативи во Македонија се фокусираат на тоа како универзитетите ги подготвуваат студентите за општествена одговорност и за граѓанскиот статус.

повеќе

Попис на населението во 2020 треба да има, затоа што тоа утре може да биде услов за Македонија да чекори напред кон ЕУ.

повеќе