Кој во Германија одбивал маска, сега добива долготрајна забрана за јавниот превоз

Германската железница ги изрече првите долгорочни забрани за користење на нивните превозни средствата на лицата кои одбивале да носат заштитни маски, јавуваат германските медиуми.

EPA-EFE

„Дојче бан изрече забрана за сообраќање со своите средства на повеќе од десет лица поради повеќекратно одбивање на носење заштитни маски“, кажа портпаролката на концернот за весникот Велт ам зонтаг.

На тие лица во следните шест месеци им е забрането да ги користат превозните средства на германската железница, и во меѓуградскиот и во локалниот сообраќај, а забрането им е и да влегуваат во железничките станици во земјата.

Кај поголемиот дел од лицата кои се казнети со забрана за возење станува збор за припадници на групите кои го негираат постоењето на пандемијата на коронавирусот.

Тие во декември на социјалните мрежи постираа видео во кое без заштитна маска се возат во вагон на Дојче бан и притоа ги малтретираат патниците со маски.

Во случај на непочитување на изречената забрана Дојче бан се подготвува да поднесе кривична пријава за попречување приватен имот.

Во Германија од воведувањето на првите мерки во борбата против пандемијата на коронавирусот минатата пролет се разви и сцената Кверденкер (во слободен превод – оние кои размислуваат надвор од вообичаените рамки), сочинета од луѓе кои се противат на мерките и на протестите редовно го негираат постоењето на пандемијата.

Легенда под Главна слика

EPA-EFE

Незабележливите разлики во нашето однесување кои се дел од психолошката манипулација на социјалните мрежи се предизвикани од надзорниот капитализам и ја нарушуваат демократската култура и личната автономија.

повеќе

После десетици години се решава холдингот, неданочните давачки и царинските тарифи значајни за бизнисот.

повеќе

Целиот свет гледа на 2021 година како на година на заздравување на економијата.

повеќе