Кој е иранскиот генерал што Трамп нареди да се ликвидира

Три ракети паднаа на меѓународиот аеродром во Багдад, објавија во текот на ноќта ирански безбедносни функционери. Во нападот загинаа двајца високи ирански воени функционери – генералот Касем Сулејмани (62) и Абу Махди ал Мухандис.

„Ова за нас претставува воен чин и првиот одговор на Техеран ќе биде напад“, ѝ изјави по нападот неименуван ирански функционер на репортерката на Њујорк тајмс Фарназ Фасихи, иранско-американска новинарка која долга низа години пишува за Иран.

„Ова е исклучително опасна и луда ескалација“, изјави шефот на иранската дипломатија Џавад Зариф.

Од 1998 генералот Касем Сулејмани ја водеше иранската елитна единица на Иранската исламска револуционерна гарда (ИРГЦ) која се занимава со тајни операции во странство.

Соединетите Држави ја сметаат Иранската револуционерна гарда за терористичка организација која е одговорна за смртта на стотина американски или сојузнички војници и функционери. Пентагон верува дека Сулејмани во последните месеци учествувал во организација на повеќе напади на коалициски бази во Ирак, вклучувајќи го и тој на 27 декември во кој загина американски и ирачки персонал.

Иако за Американците Касем Сулејмани беше клучен противник на нивните сојузници, треба да се спомне неговата и улогата на Иран во борбата против ИСИС.

Додека американските сили и локалните сојузници се бореа против ИСИС против ИСИС во Сирија и Ирак, иранските сили ги туркаа назад во Ирак. Сулејмани често ја водеше таа борба на фронтот. Единицата на Сулејмани ги советуваше силите лојални на сирискиот претседател Башар ал Асад и вооружи илјадници шиити, а во Ирак г поддржа шиитските паравоени сили кои помагаа во борбата против ИСИС, пишува Би-би-си.

По учеството во борбата против Исламска држава, генералот Сулејмани стана славна и почитувана личност во Иран.

Абу Махди ал Мухандис беше заменик лидер на Ирачките народни мобилизациски сили (ПМФ). ПМФ е шиитска паравоена сила која се состои од поранешна полиција блиска на Техеран.

Според ирачкиот закон од 2016 година, ПМФ е карактеризиран како независна воена сила која му одговара директно на премиерот.

Генералот Сулејмани се наоѓал во автомобил во просторот на багдадскиот аеродром, придружуван од локални милиции поддржани од Иран, кога бил погоден во американскиот воздушен напад, објави Пентагон.

Американските медиуми известија дека генералот Сулејмани и припадниците на проиранските милиции го напуштале аеродромот во два автомобили кога биле погодени од американскиот дрон.

Генералот наводно пристигнал од Либан или Сирија. Неколку проектили го погодиле конвојот и загинале најмалку пет луѓе.

Во изјавата на Пентагон се вели: „По наредба на претседателот, американската војска презема решителна одбранбена акција за со убиството на Касем Сулејмани да го заштити американскиот персонал во странство.

Целта на нападот е да се одврати Иран од планирање понатамошни напади. САД ќе продолжат да ги преземаат сите потребни акции за да ги заштитат своите луѓе и интереси низ светот“.

Нападот со дрон се случи неколку дена откако демонстранти ја нападнаа американската амбасада во Багдад, судирајќи се со американски сили.

Пентагон тврди дека генералот Сулејмани ги одобрил нападите врз амбасадата.

Доколку нешто радикално не се промени, не можеме да очекуваме дека нашата економија брзо ќе се нормализира и ќе излезе од сегашната криза.

повеќе

Како да разликуваш дали „Македонец” означува етничка припадност или државјанство? Според потребата на моментот!

повеќе