Коха диторе: Приштина пред „спектакуларен неуспех“ во Интерпол

Приштинскиот весник Коха диторе пишува денес дека косовските власти добиле порака од меѓународната полициска заедница дека оваа година нема да успеат да влезат во Интерпол.

Сепак, како што наведува весникот, поради инсистирањето на премиерот во оставка Рамуш Харадинај досега не ја повлекле пријавата.

Весникот јавува дека еден од замениците на Харадинај кажал дека тврдоглавоста на досегашниот премиер „ќе му донесе на Косово спектакуларен неуспех“.

Интерпол прифати барањето на Приштина да влезе во дневниот ред на неговото Генерално собрание, кое следната недела се одржува во Чиле.

Ангола ќе биде државата известувач и ќе се бави со барањето поднесено од Приштина.

Приштинскиот весник потсетува дека ниедна држава не го признала Косово меѓу двете заседанија на меѓународната полициска организација.

Еден од петте потпретседатели на косовската влада, кој за Коха зборувал под услов на анонимност, кажал дека „поради политичкиот контекст во кој се наоѓа Косово речиси е невозможно да се извлече каков било успех во процесот за членство“.

Десензитивизацијата на Американците кон вртоглаво зголемениот број на жртви во пандемијата ја оправдува познатата опсервација на Јосеф Сталин: „Една смрт е трагедија; еден милион е статистика “. 

повеќе

Практичната имплементација на владината стратегија „едно општество за сите“, која на хартија има добри намери, е засенета од неуспешната борба против корупцијата и организираниот криминал.

повеќе

Веќе четврта деценија штом општеството се фокусира на македонско-бугарските или македонско-албанските односи, на улиците излегуваат навивачките групи со навредливиот репертоар. Спонтано? Ајде, Ве молам.

повеќе