Готова до следната недела

Кинезите забрзано градат болница со 1000 кревети за заболените од коронавирусот (ФОТО+ВИДЕО)

Во кинескиот Вухан е започната изградба на нова болница со 1000 кревети за лекување на жртвите од коронавирусот, мобилизирајќи машинерија за изградбата да заврши до следната недела, соопштија државните медиуми.

Од вирусот починаа 25 луѓе во Кина и се заразени повеќе од 800, соопшти денес владата, додека Светската здравствена организација го прогласи за вонредна состојба само за Кина, а не прогласи епидемија на меѓународно ниво.

Повеќето од случаите се локализирани во централниот кинески град Вухан, од каде се верува дека потекнува вирусот од крајот на минатата година.

Новата болница се гради околу комплекс за одмор првично наменет за локалните работници, се наоѓа покрај езеро на периферијата на градот, објави денес официјалниот Чанџијанг Дејли. Ќе бидат поставени монтажни објекти кои ќе имаат 1.000 кревети.

Градежни машини, вклучително и 35 багери и 10 булдожери, пристигнаа на локацијата во четврток вечер, со цел да се подготви новиот објект до понеделник, додава весникот.

„Изградбата на овој проект е да се реши недостигот на постојните медицински ресурси“, се вели во извештајот. „Бидејќи се работи за монтажни објекти, не само што ќе се изгради брзо, туку и нема да чини многу“.

Кинескиот државен градежен инженеринг, една од компаниите што ја гради болницата, во петокот рече дека „прави сè што може и дека ќе ги надмине тешкотиите“ во завршувањето на својата улога, додавајќи дека има повеќе од 100 работници на локацијата.

Јавното здравје и економијата одат заедно и во време на пандемија, па затоа најдобриот начин да ѝ се помогне на економијата во оваа криза е ако се воведат адекватни рестрикции за пандемијата да се стави под контрола.

повеќе

Стопанската комора на Македонија со донесувањето на 4-тиот сет на мерки гледа остварување на ветеното дека Владата на РСМ и во услови на здравствено- економска криза ќе стои зад компаниите.

повеќе

Оваа парафраза на големиот Иво Андриќ, нобеловец и водечко книжевно име на Балканот, за малку ќе го погодеше лично него.

повеќе