Кинески Синофарм: Нашата вакцина е 79 проценти ефикасна против ковид-19

Кинеската лабораторија Синофарм објави денес дека една од нејзините вакцини против ковид-19 е ефикасна 79 проценти, што е пониско од објавениот процент на ефикасност за вакцините на американските Фајзер и Модерна.

EPA-EFE/ALEX PLAVEVSKI

Синофарм е прва кинеска фармацевтска компанија што објави податоци за ефективноста на вакцината што ја развива. Сепак, кинеските власти започнаа со вакцинирање и вакцинираа повеќе од милион луѓе со производи кои сè уште не се официјално одобрени.

Во соопштението на Синофарм се наведува дека стапката на ефикасност на нејзината вакцина, произведена од лабораторијата ЦНБГ во Пекинг е 79,43 проценти.

Вакцината на Фајзер/Бајонтек, според нивните податоци, е ефикасна 95 проценти, а вакцината на Модерна 94,1 процент.

Британската компанија Астра зенека, која ја разви вакцината заедно со универзитетот Оксфорд, изјави дека нејзината вакцина е 70 проценти ефективна, но дека може да достигне 100 процентна ефикасност со две дози.

Кина, каде новиот коронавирус се појави пред една година, вложи огромни суми во производство на вакцини и вети дека ќе стане јавно добро во светот.

Бидејќи епидемијата во Кина е практично искоренета, клиничките испитувања на вакцината ги спроведувала во странски земји каде циркулацијата на вирусот е сè уште интензивна.

Пет кинески вакцини се во трета фаза на клинички испитувања. Синофарм не прецизираше дали овие испитувања се завршени за нејзината прва вакцина. Групата соопшти дека поднела барање до кинеските власти за одобрување на нејзината прва вакцина.

Легенда под Главна слика

EPA-EFE/ALEX PLAVEVSKI

Реакцијата на семејството и блиските во однос на пандемијата е пресуден фактор кој влијае на емотивната состојба, размислувањата и однесувањето на младите.

повеќе

Можеби по нас ќе дојдат некои нови клинци што прегрнати ќе го слушаат мртвиот Џоле и ќе го разберат подобро отколку што го разбравме ние на кои со години жив на глуви уши ни пееше за љубовта.

повеќе

За државата Македонија, Македонците се посебен народ со повеќевековна традиција, кои зборуваат, творат, се радуваат и тагуваат на македонски јазик, веќе со векови, во и надвор од територијата на нашата држава.

повеќе