Кинеската влада до граѓаните: Подгответе си залихи со храна и неопходни работи

Кинеската влада им порача на граѓаните да направат залихи со секојдневни намирници во случај да дојде до вонредни ситуации, откако короната и обилните дождови предизвикаа повисоки цени на зеленчукот и ја зголемија загриженоста за можен недостаток.

EPA-EFE/WU HONG

Ваквата порака од Министерството за трговија предизвика загриженост на домашните социјални мрежи. И додека некои коментираат како до ваква порака дошло поради зголемените тензии меѓу Кина и Тајван, други коментираат дека одат во набавка на основни намирници: ориз, масло и сол.

„Штом дознав за оваа порака, сите постари луѓе во моја близина полудеа и почнаа панично да купуваат во супермаркет“, напиша еден корисник на Веибо, пишува Ројтерс.

Локалните медиуми исто така неодамна објавија листа на намирници и работи што треба да се имаат дома: бисквити, инстант тестенини, витамини, радио и батериски ламби.

Со оглед на тоа што пораката за залихите предизвика паника кај многу граѓани, државните медиуми потоа се обидоа да ја смират ситуацијата, пишува Ројтерс, додавајќи дека Економик дејли објави дека целта на таа порака е да се осигури дека граѓаните нема да останат без намирници доколку дојде до карантин. Тие додадоа дека корисниците на социјалните мрежи имаат премногу имагинација и претеруваат. Пиплс дејли објави дека министерството издава такви препораки секоја година, но дека годинава ја даде порано поради природните катастрофи, зголемените цени на зеленчукот и неодамнешните случаи на коронавирус.

Ројтерс пишува дека екстремните временски услови на почетокот на октомври ги уништиле посевите во Шандонг, најголемиот регион каде се одгледува зеленчук, но и новите случаи на корона се закануваат да го нарушат снабдувањето со храна. Додаваат дека цените на краставиците, спанаќот и брокулата минатата недела повеќе од двојно се зголемиле.

Легенда под Главна слика

EPA-EFE/WU HONG

Колку и да сакаме Украинците да добијат целосна правда, на ерата на славни војни, несомнени победи и чисти порази ѝ дојде крајот. 

повеќе

Македонскиот народ мора да ја заштити автокефалноста на својата Македонска православна црква - Охридска архиепископија, како еден од носечките елементи на неговиот идентитет, од сите загрозувања од Фанар, од СПЦ и другите меѓународни црковни и други чинители. Време е за нов Македонски црковно-народен собир, како во 1945 година.

повеќе

Сите политичари и безмалку сите новинари во Македонија, се со став дека нема или поточно не е можен план Б во преговарањето за влез во ЕУ со Бугарија.

повеќе