Кинеска монтажа: Австралиски војник коле дете (ФОТО)

Австралија денес побара итно извинување од Кина откако на официјалниот твитер профил на кинеската влада беше објавена фотомонтажа на австралиски војник како коле дете од Авганистан.

Screenshot: Twitter

Австралискиот премиер Скот Морисон побара Пекинг веднаш да го тргне „гнасниот“ твит и да се извини. Портпаролот на кинеското министерство за надворешни работи Жао Лиџијан ја објави модифицираната фотографија во момент кога односите на двете земји се на ниско ниво и кога е објавен извештајот за злосторствата на австралиските специјални сили во Авганистан.

Покрај фотографијата на која се гледа австралиски војник како убива дете што држи овца, пишува: „Не плашете се, доаѓаме да ви донесеме мир“.

Директорот на одделот за информации на кинеската дипломатија Хуа Чунјинг им се обрати денес на медиумите поддржувајќи го својот колега: „Австралиската страна баш бурно реагира на твитот на мојот колега. Дали тоа значи дека тие мислат дека суровото убивање на Авганистанците е оправдано: Животите на Авганистанците значат... Зарем австралиските војници не треба да се засрамат?“, праша Хуа и потсети дека австралиските војници вршеле злосторства во Авганистан што го утврди и нивната влада и дека тие се тие што треба да се извинат.

Неодамнешен извештај на австралиските власти откри веродостојни информации дека 25 австралиски војници биле вклучени во убиства на 29 авганистански цивили и затвореници во периодот од 2009 до 2013 година. Извештајот на Австралиските одбранбени сили предизвика јавна осуда, а сега го истражува полицијата.

Би-би-си наведува дека монтираната фотографија се однесува на претходните обвинувања дека елитни австралиски војници со ножеви убиле двајца 14-годишни Авганистанци. Австралиската телевизија Еј-би-си објави дека извештајот за злосторствата не се однесува на тие конкретни обвинувања.

Најновиот конфликт доаѓа по заладувањето на односите меѓу двете земји. Австралија планира да ѝ се жали на Светската трговска организација поради високите кинески даноци на австралискиот јачмен, додека Пекинг ја критикува австралиската влада поради константното покажување со прст на кршењето на човековите права во Кина.

Легенда под Главна слика

Screenshot: Twitter

Во моментов, мал број проекти или иницијативи во Македонија се фокусираат на тоа како универзитетите ги подготвуваат студентите за општествена одговорност и за граѓанскиот статус.

повеќе

Попис на населението во 2020 треба да има, затоа што тоа утре може да биде услов за Македонија да чекори напред кон ЕУ.

повеќе

Северна Македонија, исто така, мора да се придвижи кон енергетска независност, користејќи обновливи извори на енергија кои нема да му наштетат на кревкиот екосистем во оваа прекрасна земја.

повеќе