Кина ќе го нападне Тајван ако не може поинаку да ја спречи неговата независност

Кина ќе го нападне Тајван ако нема друг начин да ја спречи неговата независност, предупреди денеска еден од главните кинески генерали, што претставува вербална ескалација кон демократскиот остров што Пекинг го смета за своја територија.

Фото: ЕПА

Говорејќи во парламентот по повод 15-годишнината од законот за борба против отцепување, Ли Зуошенг, началник на здружениот штаб и член на централното воено поверенство, ја остави отворена можноста за употреба на сила.

Тој закон од 2005 година е правна основа за воена акција против Тајван ако се отцепи или се обиде да го стори тоа. Бојното поле тогаш ќе стане Тајванскиот теснец.

„Ако не е можно мирно обединување, вооружените сили ќе ги преземат сите неопходни мерки заедно со целата нација, вклучително и народот на Тајван, за решително да спречат какви било сепаратистички планови или потези“, рече Ли.

Иако Кина никогаш не ја исклучи употребата на сила за да го врати Тајван под своја контрола, многу е ретко некој висок и активен воен службеник толку отворено да се заканува на јавен настан.

Изјавата на Ли е особено деликатна откако Кина го донесе новиот закон за национална безбедност во Хонг Конг.

Ли е еден од неколкуте кинески воени службеници со борбено искуство стекнато во кинеската инвазија во 1979 година во Виетнам.

Тајван за Кина е еден од најчувствителните територијални проблеми. Пекинг вели дека тоа е кинеска провинција и ја осудува поддршката на САД за островот.

Легенда под Главна слика

Фото: ЕПА

Што е со оние граѓани кои не се вклопуваат во нашиот (би)етнички дискурс?

повеќе

Постојат различни фактори кои влијаат на нивото на ризик кога станува збор за перење пари. Тоа може да биде од клиенти, региони, производи или ризик од финансиски инструменти. Разбирањето на овие ризици, како и факторите што придонесуваат, им овозможува на надлежните органи многу поефикасно да се заштитат од перење пари поврзано со корупција.

повеќе

Ако идниот премиер биде македонски Албанец и ако успее сите граѓани на Македонија да се поклонуваат под едно знаме, тогаш – зошто да не!

повеќе