Кина го сопре увозот на американски земјоделски производи

Кина го сопре увозот на американски земјоделски производи и може да наплати царини на неодамнешниот увоз на американски земјоделски производи, соопшти денес кинеското министерство за трговија.

Оваа објава на официјален Пекинг е нова фаза во кинеско-американската трговска војна која ги вознемирува глобалните пазари и инвеститорите.

„Поврзаните кинески компании ја суспендираа набавката на американските земјоделски производи“, објавено е во соопштението на кинеското министерство за трговија.

Кинеското министерство не ја објави вредноста на увозот на американските земјоделски производи кои ќе бидат подложени на новите царини.

Американскиот претседател Доналд Трамп ги засили тензиите меѓу двете земји минатата недела кога наметна царини од 10 отсто на 300 милијарди долари вреден кинески увоз од 1 септември, одлука за која Пекинг кажа дека е „сериозно кршење“ на постигнатиот консензус меѓу Трамп и кинескиот претседател Си Џинпинг во Осака.

„Кинескиот пазарен капацитет е голем и има одлични изгледи за увзо на висококвалитетни американски земјоделски производи“, соопшти кинеското министерство, додавајќи дека се надева дека САД ќе ги одржат ветувањата и ќе ги создадат „потребните услови“ за билатерална соработка.

Количеството американски земјоделски производи кои Кина ги купува беше нејзината слаба точка во трговските тензии со САД.

Останатите спорни прашања се заштитата на правата на интелектуалната сопственост во Кина и кинескиот извоз на фентанил и супстанци поврзани со фентанил, за кои американските власти тврдат дека е главната причина на умирањата од предозираност во САД.

Даночните затајувачи сѐ почесто се мали фирми, кои сѐ потешко се следат.

повеќе

Повлекувањето на Обединетото кралство од ЕУ (Брегзит) е правен потфат без преседан во историјата на правото.

повеќе

Изминатата недела имаше бурен почеток со објавувањето на вториот сет мерки. Се изнаслушавме разно-разни коментари, предлози и видувања кои никако не би можело да се рече дека се засновани на прецизни анализи и предвидувања на надлежните институции во државата, со кои располагаме, НБРСМ и МФ.

повеќе