Кина: Американската демократија е оружје за масовно уништување

Кина ја нарече американската демократија „оружје за масовно уништување" по демократскиот самит организиран од Соединетите Држави за да ги зајакне истомислениците соочени со автократски режими.

Фото: ЕПА

Кина е изоставена од дводневниот виртуелен самит - заедно со земјите како Русија и Унгарија - и луто одговори со обвинувања за американскиот претседател Џо Бајден дека предизвикува идеолошки поделби од времето на студената војна.

„’Демократијата’ долго време е ‘оружје за масовно уништување’ што го користат САД за мешање во други држави“, рече портпаролот на Министерството за надворешни работи во изјава на интернет, во која исто така го обвини САД дека „поттикнуваат ‘шарени револуции’“ во странство“.

Министерството, исто така, тврди дека самитот бил организиран од Соединетите Американски Држави за „да повлече црта на идеолошките предрасуди, да ја инструментализира и вооружи демократијата... (и) да поттикне поделби и конфликти“.

Наместо тоа, Пекинг вети дека „одлучно ќе се спротивстави на сите видови псевдодемократии“.

Пред самитот, Кина го засили својот пропаганден напад, критикувајќи ја американската демократија како корумпирана и неуспешна.

Наместо тоа, таа изнесе своја верзија на „целокупната народна демократија“ минатата недела, чија цел е зајакнување на легитимитетот на сè поавторитарната владејачка Комунистичка партија под претседателот Си Џинпинг.

Иако САД повеќе пати негираа дека ќе има нова студена војна со Кина, тензиите меѓу двете најголеми светски економии пораснаа во последниве години поради повеќе прашања, вклучително трговијата, технолошката конкуренција, човековите права, Ксинџијанг и Тајван.

Легенда под Главна слика

Фото: ЕПА

Постоењето на еден отпорен, одржлив и правичен систем на храна е нешто што мора да биде столб на секоја агенда која има за цел за климатско ублажување или адаптација.

повеќе

Економската криза е лоша во сите сфери на живеењето, но од неа можеме и да научиме по нешто.

повеќе

Во саботата во јавноста го претставивме предлог-ребалансот на Буџетот за 2022 година, откако истиот беше усвоен од страна на Владата.

повеќе