„Ким сака да го стави целиот полуостров под свој режим“

Долгорочната цел на севернокорејскиот лидер Ким Џонг Ун е да го обедини Корејскиот Полуостров под својот тоталитарен режим.

Ова го изјави високиот официјален претставник на американската морнарица што ги надгледува воените операции на Пацификот, адмиралот Хари Харис Џуниор.

Многумина сметаат дека нуклеарниот арсенал на Ким му е потребен за да го заштити својот режим, но тој „сака многу повеќе“, предупреди Харис во своето обраќање пред Комитетот на вооружените сили на Претставничкиот дом за САД, пренесе Нејви тајмс.

Според Харис, долгорочната цел на Ким е повторното обединување на двете Кореи „под единствен комунистички систем“.

Сите идни преговори со Северна Кореја, заклучи американскиот адмирал, мора да бидат фокусирани на отстранувањето на нуклеарното оружје од Корејскиот полуостров.

Харис, речиси четири децении, е официјален претставник на американската армија. На чело на американската Пацифичка команда е од мај 2015 година, а минатата недела американскиот претседател Доналд Трамп објави дека ќе го назначи Харис за амбасадор на САД во Австралија, што сега треба да биде потврдено од Сенатот.

Не е во прашање само Русија VS Западот. Има нов играч на масата.

повеќе

Ако на референдумот на 30 септември македонските гласачи изгласаат да се смени името на нивната држава во Северна Македонија, НАТО треба да ја покани нивната влада во Алијансата.

повеќе

Паметам како вчера да беше: пред самиот распад на Југославија, по локалните пазарчиња на таа земја нагло се расшетаа сомнителни типови што шиткаа лажњаци на статусниот симбол на мојата генерација - славните фармерки „петсто кец”. 

повеќе