Ким Џонг Ун: Воено се зајакнуваме за да се заштитиме од Американците

Севернокорејскиот лидер Ким Џонг Ун изјави дека развојот на оружје во неговата земја е одбрана од непријателските политики на САД и военото зајакнување на Јужна Кореја, што го дестабилизира полуостровот, пренесува Ројтерс повикувајќи се на државни медиуми.

Фото: ЕПА

„Пјонгјанг ја зајакнува својата војска за самоодбрана, а не за да започне војна“, рече Ким во говорот на воената изложба, пренесе севернокорејската агенција КЦНА.

Тој одржа говор стоејќи пред разновидно оружје, вклучително и интерконтиненталниот балистички проектил Хвасонг-16 (ИЦБМ), според фотографиите објавени во весникот на владејачката партија Родонг Синмун. Се работи за севернокорејскиот најголем ИЦБМ, кој е претставен на воената парада во октомври минатата година, но сè уште не е тестиран.

„Не зборуваме за војна со никого, туку за спречување и одвраќање од војна со цел да го заштитиме националниот суверенитет“, рече Ким.

Северна Кореја ја забрза ракетната програма, а аналитичарите тврдат дека исто така започнала со експанзија на главниот нуклеарен реактор, кој го користи за производство на гориво за нуклеарни бомби. Иако САД изразија подготвеност за одржување дипломатски преговори во секое време со Северна Кореја, Пјонгјанг изрази незаинтересираност се додека Вашингтон ја продолжува политиката на санкции и воена активност во Јужна Кореја.

„Тешко е да се поверува на тврдењата на САД дека немаат непријателски чувства кон Северна Кореја сведочејќи на нивните погрешни проценки и постапки“, рече Ким. Тој додаде дека опасните напори на Јужна Кореја за зајакнување на војската ја уништуваат воената рамнотежа на корејскиот полуостров и ја зголемуваат нестабилноста и опасноста. Двете Кореи ја забрзаа трката за вооружување, тестирајќи напредни балистички проектили со краток дострел и друга опрема.

Легенда под Главна слика

Фото: ЕПА

Македонија може да ги задоволи потребите од електрична енергија ако на површина од 160 км2 постави соларни панели, а инвестицијата за тоа е 2,4 милијарди евра.

повеќе

Тешко е да се очекува дека ветото ќе биде туку-така тргнато. Дури и кога би се постигнал некаков договор, тоа би значело дека Македонија направила тешки и болни компромиси за да дојде до решение, имајќи ги предвид тврдите позиции на Бугарија.

повеќе

Лошите прогнози за инфлацијата и зголемувањето на цените на сите енергенси, не упатува кон еден заклучок - обновливите извори на енергија, заедно со вложувањето во самоодржливост и економијата на подарувањето сега се позначајни отколку кога и да е претходно.

повеќе