Ким Џонг Ун: Пријателството меѓу Северна Кореја и Кина ќе трае вечно

Кај спомен-обележје во Пјонгчанг, севернокорејскиот лидер Ким Џонг Ун им оддаде почит на Кинезите убиени во војната и вети дека ќе одржува силни врски со Пекинг.

Фото: ЕПА

Вчерашната посета на Ким на Кулата на пријателството во чест на кинеските војници убиени за време на Корејската војна во 1950-53 година е трета откако тој ја презеде власта на крајот на 2011 година, и се случи ден по одбележувањето на 68-годишнината од крајот на овој конфликт.

„Благородноста и подвизите на кинескиот народ што ја помогнаа светата историска борба на нашиот народ по цена на својот живот, кога Северна Кореја минуваше низ најтешките искушенија, ќе останат бесмртни“, рече Ким за време на посетата на спомен-обележјето, пренесе официјалната корејска агенција КЦНА.

Тој исто така истакна дека пријателството преку цврстата врска меѓу двете земји ќе се пренесува од колено на колено во заемна корист.

Ким вети дека ќе ги подобри односите на својата земја со Кина и нивната економска соработка, во време кога се прават напори Северна Кореја да се извлече од најтешката криза, предизвикана од пандемијата, американските санкции и минатогодишните природни катастрофи.

Претходно неделава Ким се согласи да ги обнови каналите за прекугранична комуникација со Јужна Кореја по пауза од 13 месеци и да ги подобри билатералните врски.

Некои експерти велат дека Ким сака да воспостави подобри врски со надворешниот свет и покрај економските тешкотии, додека други велат дека Северна Кореја можеби само сака Сеул да ги убеди САД да прават отстапки кога ќе продолжат одамна запрените нуклеарни преговори меѓу Пјонгјанг и Вашингтон.

Легенда под Главна слика

Фото: ЕПА

Македонија може да ги задоволи потребите од електрична енергија ако на површина од 160 км2 постави соларни панели, а инвестицијата за тоа е 2,4 милијарди евра.

повеќе

Тешко е да се очекува дека ветото ќе биде туку-така тргнато. Дури и кога би се постигнал некаков договор, тоа би значело дека Македонија направила тешки и болни компромиси за да дојде до решение, имајќи ги предвид тврдите позиции на Бугарија.

повеќе

Лошите прогнози за инфлацијата и зголемувањето на цените на сите енергенси, не упатува кон еден заклучок - обновливите извори на енергија, заедно со вложувањето во самоодржливост и економијата на подарувањето сега се позначајни отколку кога и да е претходно.

повеќе