Ким Џонг Ун повторно се појави во јавност со сестра му, посетија град погоден од поплава (ВИДЕО)

Севернокорејскиот лидер Ким Џонг Ун ги надгледува напорите за обнова на поплавено место, во рамки на најновата посета на областите оштетени во неодамнешен тајфун, а неговата сестра повторно се појави во јавноста, за првпат по два месеци.

EPA-EFE

Ким ја пофали брзината на обновата во округот Кимхуа на југоистокот на земјата за време на посетата на која присуствуваше неговата сестра Ким Јо Џонг, објави агенцијата КЦНА.

Што се однесува до бурите и природните непогоди, тој кажа: „Оваа година имаше многу непредвидени тешкотии“.

Помладата сестра на Ким, за која се смета дека фактички втора во командната структура, е во триесеттите години и е единствена блиска роднина на Ким со истакната улога во политиката. Таа е една од главните луѓе во односите со Јужна Кореја.

Летните невремиња и поплавите жестоко ја погодија Северна Кореја уништувајќи илјадници домови и зголемувајќи го стравот од хронишен недостиг на храна во земјата.

Фалејчи ја обновата Ким кажа дека чувствува „жалење“ што куќите во тој регион се со „монотон дизајн“. Државните медиуми претходно куќите во низа ги нарекоа модел на „социјалистичката земја од бајките“ рекламирајќи ги режимските напори за обнова откако илјадници домови беа уништени во поплавите.

Коментарите на Ким се најновата официјална критика во строго контролираната земја, каде социјалистичката глорификација е норма.

Во изминатите недели државните медиуми јавија дека Пјонгјанг открил „грешки во напорите против ковид-19, а Ким понуди ретко извинување поради убиството на јужнокорејски функционер во водите на западниот брег на полуостровот.

Денес весникот на владејачката партија Родонг шинмун ја прикажа турата на Ким и објави фотографии од куќите.

Ким кажа дека, иако брзината е важна, сака „да бидат пред сѐ уметнички согласни со околните предели и разноликоста“.

Легенда под Главна слика

EPA-EFE

За првпат 16 врвни бизнисмени од земјите на Западен Балкан, врз основа на мерливи критериуми, ќе го следат напредокот на економските реформи во регионот и ќе го известуваат Брисел.

повеќе

Хрватска и Северна Македонија имаат јаки културни и историски врски и традиционално добри односи. Заради тоа, но и заради хрватското искуство со пристапните преговори, Хрватска треба да биде најдобриот пријател и бранител на нејзиниот европски пат, особено откако Северна Македонија е изложена на токсичен национализам и на неправда, нешто за што во Европската унија не смее да има место, пишува во колумна за Аутограф хрватскиот пратеник Бојан Главашевиќ анализирајќи ги бугарските условувања, но и предупредува дека Хрватска засега молчи..

повеќе

Дали и Грција треба да престане да ја смета бугарската фашистичка окупација за време на Втората светска војна како вистинска окупација?, прашува поранешниот грчки министер за надворешни работи – потписник на Преспанскиот договор со Македонија, во колумна за Балканеу. Колумната ја пренесуваме во целост и со автентичните фрази.

повеќе