Ким го објави ова додека промовираше десетици функционери и научници вклучени во неодамнешното лансирање на најголемата севернокорејска балистичка ракета, објавија севернокорејските државни медиуми, пренесе <a href="https://www.reuters.com/world/asia-pacific/kim-jong-un-says-north-koreas-goal-is-worlds-strongest-nuclear-force-2022-11-26/">Ројтерс</a>.„Градењето нуклеарна енергија служи за сигурна заштита на достоинството и суверенитетот на државата и народот, а нејзината крајна цел е да ја поседува најмоќната стратешка сила во светот, апсолутна моќ без преседан во овој век“, изјави Ким во наредбата со која беа унапредени офицерите.Северна Кореја минатиот петок тестираше интерконтинентална балистичка ракета Хвасонг-17, објави државната новинска агенција КЦНА.Ракетата достигна височина од 6.000 километри, покривајќи дострел од 1.000 километри по својата нагорна траекторија и падна на околу 200 километри западно од островот Ошима во северната префектура Хокаидо, соопштија јапонските власти.Ким го нарече Хвасонг-17 најмоќното стратешко оружје во светот и рече дека тоа ја покажува одлучноста и способноста на Северна Кореја на крајот да ја изгради најсилната војска во светот.„Севернокорејските научници направија прекрасен чекор напред во развојот на технологијата за монтирање нуклеарни боеви глави на балистички ракети“, рече Ким, без да наведе повеќе детали.