„Русите нападнаа голем трговски центар во Кременчук, во кој имало стотици цивили. Русија е срам за човештвото и мора да се соочи со последици. Одговорот би требало да биде испраќање уште тешко оружје на Украина, нови санкции и уште повеќе компании да ја напуштат Русија“, кажа Кулеба со снимката на запалениот трговски центар.
Large shopping mall in Kremenchuk with hundreds of civilians inside has been hit by a Russian strike. Russia is a disgrace to humanity and it must face consequences. The response should be more heavy arms for Ukraine, more sanctions on Russia, and more businesses leaving Russia. pic.twitter.com/Uvi6fbyShK
— Dmytro Kuleba (@DmytroKuleba) June 27, 2022
Гувернерот на украинската Полтавска област кажа дека две руски ракети го погодиле трговскиот центар.
„Ова е терористички чин против цивили“, кажа Дмитро Лунин, тврдејќи дека во близина немало никаква воена мета која руските сили можеле да ја гаѓаат.
Кременчук, индустриски град во кој пред руската инвазија живееле 217.000 луѓе, лежи на реката Дњепар, а во него се наоѓа најголемата украинска нафтена рафинерија.
Украинските воздушни сили објавија дека трговскиот центар бил погоден со две ракети со долг дострел Х-22 испукани од бомбардери Ту-22М3 кои полетале од рускиот Калушки регион.
На украинските тврдења реагираше заменикот на рускиот амбасадор во Обединетите нации.
„Има многу неконзистентности во Кременчук, сето ова изгледа на провокација каква што веќе видовме во Буча“, кажа рускиот дипломат.
