Киднапиран најмладиот африкански милијардер

Мохамед Деуџи, кого го сметаат за најмладиот милијардер на Африка, го киднапирале маскирани и вооружени мажи пред салата за вежбање на хотел во Дар ес Салам, најголемиот град на Танзанија, објави локалната полиција а пренесува Би-би-си.

43-годишниот Мохамед бил грабнат во утринските часови кога тргнал на своето рутинско вежбање.

Три лица се уапсени поради сомнеж за вмешаност во грабнувањето, а двајца се странски државјани, додаде полицијата.

Мотивот за киднапирањето на Мохамед Деуџи сѐ уште не е познат.

Финансискиот магазин Форбс го проценува богатството на Мохамед „Мо“ Деуџи на 1,5 милијарди долари и го опишува како единствениот милијардер на Танзанија, а во извештајот од 2017 и како најмлад милијардер во Африка.

Во 2016 Деуџи изјави дека планира да донира барем половина од своето богатство во добротворни цели. Тој успеа семејната компанија да ја претвори од претпријатија за малопродажба и трговија на големо во панафрикански конгломерат.

Неговата компанија МЕЛТ работи со производство на текстил, со продажба на алкохолни пијалоци, како и производство на масло за јадење, брашно и козметички препарати во најмалку шест африкански држави, пишува Би-би-си.

Што е потребно младите велешки занаетчии да не станат самоубиствени гемиџии, туку да ги тераат своите замисли напред.

повеќе

Брзата храна и газираните пијалоци се водечки причинители на прекумерна телесна тежина, која пак значително го намалува нашиот животен век и квалитет на живот.

повеќе

Процесот на проверка не треба да почне од правосудниот систем, туку од извршните претставници и членовите на парламентот, и тоа не само оние кои се на власт денес, туку и оние кои со години ја водеа земјата.

повеќе