Кардинал антиваксер заврши на интензивна со ковид. Папата: Тоа е иронија на животот

Папата Франциско им се обрати на новинарите на летот од Словачка за Италија и го коментираше отпорот кон вакцините што постои и во врвот на Католичката црква.

Фото: ЕПА

Тој рече дека не може да објасни зошто некои кардинали се скептични за вакцината против ковид-19.

„Ова е невообичаено со оглед на тоа што човештвото има историја на пријателство со вакцините“, рече папата Франциско, кој и самиот е вакциниран против ковид.

Тој рече дека еден кардинал кој не бил вакциниран завршил на интензивна нега откако се заразил со коронавирусот. Тој не го именуваше, но алудираше на американскиот кардинал Рејмонд Бурк, познат по своите антиваксерски ставови.

Бурк, пред да заврши на интензивна нега, зборуваше дека вакцините се развиени „користејќи клетки од абортирани фетуси“ и дека при вакцинирањето „под кожата се става некој вид микрочип со помош на кој државата ве контролира“.

„Дури и меѓу кардиналите ги има оние кои ги негираат вакцините. Еден од нив, кутар човек, заврши во болница поради вирусот. Тоа е една од ирониите на животот“, рече папата Франциско.

Тој додаде дека речиси сите во Ватикан се вакцинирани и сега „размислуваат како да им помогнат“ на оние кои остануваат скептични во врска со вакцината.

„Како деца, сите бевме вакцинирани против детска парализа и мали сипаници и тогаш никој не се противеше“, додаде папата.

Легенда под Главна слика

Фото: ЕПА

Можеби поради еуфоријата што ја донесе туризмот - и желбата на самите жители на Грција да уживаат во одморите - пошироката јавност беше подготвена да ги толерира дневните бројки на новозаразени (во просек помеѓу 2.000 и 3.000 случаи во текот на летото). 

повеќе

Насловот асоцира и на резултатите од изборите, кои, кога ќе излезе оваа колумна, ќе бидат познати, иако најретко споменуван збор во кампањата беше зборот ДЕЦЕНТРАЛИЗАЦИЈА, кој е единствен начин за остварување на сите „големи“ ветувања што ги слушнавме изминативе две недели.

повеќе

Опонентите на академик Блаже Ристовски во Македонија го квалификуваа како националист, во белградскитe кругови  го именуваа како „бугарофил“, а во Бугарија го нарекуваа „Југословен“ и „србокомунист“. А тој си остана ист, исправен пред нападите и секогаш подготвен да им одговори на критичарите.

повеќе