Јужнокорејскиот претседател порача Бајден да продолжи со преговорите со Северна Кореја

Јужнокорејскиот претседател Мун Џае Ин рече дека новоизбраниот американски претседател Џо Бајден треба да одржи преговори со Северна Кореја и да продолжи да работи на напредокот што го постигна претседателот Доналд Трамп во односите со Ким Џонг Ун.

EPA-EFE/JEON HEON-KYUN

Бајден во средата ја презема претседателската должност во услови на долг застој во преговорите за гасење на севернокорејската нуклеарна програма и програмата за ракетни проектили во замена за олеснување на американските санкции.

Мун, кој се понуди да посредува меѓу Пјонгјанг и Вашингтон, рече дека веднаш на почетокот на мандатот на Бајден, севернокорејското прашање ќе започне да го промовира како приоритет на американската надворешна политика, за Бајден да продолжи да работи на договорот што Трамп и Ким го постигнаа на првиот самит во Сингапур.

Двајцата лидери во заедничка изјава тогаш се обврзаа да воспостават нови односи и да работат на целосна денуклеаризација на Корејскиот полуостров, но нивниот втор самит, како и разговорите на работните групи што следеа, пропаднаа.

„Инаугурацијата на Бајденовата администрација може да биде пресвртна точка и нов почеток на дијалогот САД-Северна Кореја, дијалогот меѓу Северна-Јужна, кој ги наследува достигнувањата постигнати за време на Трамповата администрација“, рече Мун.

Според него, дијалогот би бил забрзан доколку повторно се започне од декларацијата од Сингапур и во преговорите да се дефинираат конкретни мерки.

Ким Џонг Ун минатата недела на конгресот на владејачката Работничка партија повика на зајакнување на воената моќ и нуклеарното оружје како средства за одвраќање.

Откако во 2018 година прогласи своевиден мораториум на нуклеарни тестови и тестирање на интерконтинентални балистички проектили, лидерот Ким повика на продолжување на производството на нуклеарното оружје како дел од воениот арсенал, лансираше и цела низа помали проектили и во октомври приреди најголема парада со интерконтинентални балистички проектили.

Мун поради тоа смета дека има итна потреба за повторно отворање на преговорите со Северна Кореја.

Тој рече дека треба да се разгледа и прашањето за американско-јужнокорејските воени маневри, кои Пјонгјанг ги осудува како генерална проба за објавување војна, доколку се оживее меѓукорејскиот воен дијалог.

Легенда под Главна слика

EPA-EFE/JEON HEON-KYUN

Во САД и некои други земји, припадниците на загрозените расни и етнички малцинства имаат пократок животен век од просечниот, и поради тоа не се доволно застапени меѓу оние за кои најмногу се очекува дека ќе починат од ковид-19.

повеќе

Предвидувањата за тоа дека ќе дојде денот кога Бугарија ќе ги искористи пасошите кои Софија така лесно им ги даваше на македонските државјани почнуваат да се остваруваат.

повеќе

Реакцијата на семејството и блиските во однос на пандемијата е пресуден фактор кој влијае на емотивната состојба, размислувањата и однесувањето на младите.

повеќе