Јужна Кореја ќе ѝ донира 50.000 тони ориз на Северна Кореја

Јужна Кореја ќе ѝ донира на Северна Кореја 50.000 тони ориз и 4,5 милиони долари за да ѝ помогне во ублажувањето на недостигот на храна, објави денес Светската програма за храна на ОН (ВФП).

Ова е најголема донација од Јужна Кореја за северниот сосед од 2008 година, наведе ВФП во соопштението.

Со овој потег ќе бидат поддржани од 1,5 до 2 милиони деца, трудници и доилки, се вели во соопштението.

Во мај, ВФП објави дека производството на храна во Северна Кореја опадна на најниско ниво за десет години, поради што на милиони луѓе им се заканува глад ако не добијат меѓународна помош.

Експерти на ОН за земјоделство и храна ја посетиле изолираната комунистичка земја во март и април, утврдувајќи дека околу десет милиони луѓе немаат доволно храна да го издржат периодот до следната жетва.

Во некои рурални средини 43 отсто од луѓето се потхранети, а едно од пет деца пати од забавен раст бидејќи нема доволно храна, објави Светската здравствена организација.

Македонските граѓани конечно го гледаат крајот на илузијата што им се продава од осамостопјувањето до денес.

повеќе

Министерот за финансии не треба да е кум, баџанак, шура, братучед или самиот тој, бидејќи треба да даде отпор на честите политички, но не и економски барања на членовите на владата.

повеќе

Зрелоста на еден народ е да препознае кога протестите за замена му ги продаваат како протести за промена. 

повеќе