Јункер: Ако нема договор, крив ќе биде Лондон

Претседателот на Европската комисија во заминување, Жан-Клод Јункер, рече дека тој и главниот преговарач на ЕУ за брегзитот прават сè што можат за да постигнат договор со Велика Британија.

Доколку не се постигне таков договор, додаде Јункер, одговорен ќе биде Лондон.

Јункер за германските медиуми изјави дека Барние и тој интензивно работат на договорот, бидејќи би било катастрофа за Велика Британија и за Европа доколку до брегзит дојде без договорено организирано повлекување, пренесе Ројтерс.

Велика Британија треба да ја напушти ЕУ на 31 октомври.

Бриселските власти велат дека британскиот премиер Борис Џонсон постигнал мал напредок во разговорите за излез, како алтернатива на претходниот договор на Тереза Меј, кој трипати беше одбиен во британскиот парламент.

Јункер истакна дека преговорите за идните трговски односи меѓу Велика Британија и ЕУ ќе бидат многу комплицирани доколку дојде до брегзит без договор.

„Треба да потпишеме договор за слободна трговија. Но тоа нема да се случи баш така како што си замислуваат некои во Британија. За некои од трговските договори што ги склучивме во мојот мандат беа потребни многу години“, рече Јункер.

Практичната имплементација на владината стратегија „едно општество за сите“, која на хартија има добри намери, е засенета од неуспешната борба против корупцијата и организираниот криминал.

повеќе

Веќе четврта деценија штом општеството се фокусира на македонско-бугарските или македонско-албанските односи, на улиците излегуваат навивачките групи со навредливиот репертоар. Спонтано? Ајде, Ве молам.

повеќе

Нивото на Советот на Центар никако да порасне и да ги покаже демократските капацитети и зрелоста очекувани од граѓаните.

повеќе