Јасна порака од ЕУ до Приштина: Заедницата на српски општини мора да се формира

Шефот на делегацијата на Европската Унија во Србија Емануел Жофре е уверен во продолжувањето на дијалогот на Белград и Приштина.

EPA-EFE

Тој откри детали од изменетиот германско-француски предлог, но и порача дека Заедницата на српски општини мора да биде формирана.

„Да не заборавиме дека самитот ЕУ-Западен Балкан е одржан во сенка на руската агресија на Украина, што ја загрози и европската и глобалната безбедност, затоа мораме да се држиме заедно. Вчера европските лидери им испратија многу јасна порака на земјите од овој регион и истакнаа дека ЕУ е целосно посветена на тоа земјите од Западниот Балкан да станат нејзини членки“, кажа Жиофре.

Според него, пораката никогаш не била појасна, а повикаа и на забрзување на процесот, особено во овие геополитички околности, да се забрзаат реформите, да се преземат чекори, да се усогласат политиките.

Коментирајќи го изменетиот предлог кој од Брисел стигна во Белград и Приштина, Жиофре кажа дека тоа се дипломатски преговори, кои се, нормално, многу деликатни.

„Лидерите ќе ги дадат своите коментари. Мислам дека треба да истакнеме дека имаме можност, како што ЕУ веќе кажа, сè што е договорено дека мора да се примени, вклучувајќи ја Заедницата на српски општини. Но во смисла на итноста, имаме прилика да направиме чекор кон правно обврзувачки договор за нормализација на односите на Белград и Приштина“, кажа тој.

Истакна дека дијалогот ќе продолжи.
„Специјалниот претставник на ЕУ Мирослав Лајчак, кој пред неколку дена беше во Белград и Приштина, ќе поднесе извештај во Брисел. Уверен сум дека разговорите ќе продолжат“, кажа претставникот на ЕУ во Србија.

Легенда под Главна слика

EPA-EFE

Калоѓера не може да премолчи, не може да замиже пред историската вистина на Македонија, па затоа во својот живот се определил да македонствува.

повеќе

Слушањето како способност да го фокусираме вниманието на аудитивните дразби е важен аспект на нашиот живот и значително влијае на неговиот квалитет во сите сегменти.

повеќе

„Ќе дојде ден, кога пазарите отворени за трговија и размена на идеи, ќе бидат единствените борбени полиња“ - Виктор Иго

повеќе